گه‌ڕان

Shadow Shadow
سیاسه‌تی

وردەکاریى

گۆڕان شوێنى سێ ئەندامى دەستلەکارکێشاوەى خانەى راپەڕاندن پڕدەکاتەوە

2021.02.12 - 16:59
App store icon Play store icon Play store icon
گۆڕان شوێنى سێ ئەندامى دەستلەکارکێشاوەى خانەى راپەڕاندن پڕدەکاتەوە

ناس کورد-

ژورى هەڵبژاردنى بزوتنەوەى گۆڕان راگەیەندراوێکى لەبارەى ئەنجامدانى هەڵبژاردنێکى ناوخۆیى بۆ پڕکردنەوەى شوێنى سێ ئەندامى دەستلەکارکێشاوەى خانەى راپەڕاندن بڵاوکردەوە.

 

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

 

ژورى هەڵبژاردنى بزوتنەوەى گۆڕان (12ى شوباتى 2021) لە راگەیەندراوێکدا کە "ناس کورد" بەدواداچوونى بۆ کردووە ئاماژەى بەوە کرد "پاش ئەوەی جڤاتی نیشتمانی بزوتنەوەی گۆڕان، بڕیاریدا شوێنی سێ ئەندامی دەستلەکارکێشاوەی خانەی راپەڕاندن پڕبکاتەوە، ژوری هەڵبژاردن ئامادەکاری بۆ ئەنجامدانی ئەو پرۆسەیە تەواو کردووەو، رۆژی شەممە ١٣ی٢ی٢٠٢١پرۆسەکە ئەنجام دەدرێت".

 

بەگوێرەى راگەیەندراوەکە، لەو چوارچێوەیەدا، رێنمایی تایبەت بە پرۆسەی هەڵبژاردنی تەواوکاری خولی دوەمی خانەی راپەڕاندن  بە هاوبەشی لەگەڵ ژوری یاسایی دانراوە، لەئێستاشدا دوای کۆتایی هاتنی وادەی خۆکاندیدکردن، رۆژی شەممە (١٣/٢/٢٠٢١) لە کاتژمێر ( ١١)ی پێش نیوەڕۆ پرۆسەی هەڵبژاردنەکە ئەنجام دەدرێت و، ئەندامانی جڤاتی نیشتمانی دەنگ دەدەن بۆ هەڵبژاردنەوەی سێ بەڕێزی دیکە بۆ ئەو پۆستانە".

 

لەبەشێکى ترى راگەیەندراوەکە رونکراوەتەوە کە بۆ هەر سێ پۆستەکە (سکرتێری جڤاتی نیشتمانی، سکرتێری کاروباری فراکسیۆنەکان و سکرتێری کاروباری باژێڕەکان) رکابەری هەیە، بۆ هەریەکە لەپۆستەکان دوو هەڵسوڕاو خۆی کاندید کردوە و جەخت لەسەر ئەوە کراوەتەوە کە کاندیدی ئافرەتیش لەناو رکابەرییەکەدا بوونى هەیە.