گه‌ڕان

Shadow Shadow
سیاسه‌تی

زانیاری زیاتر

شانەیەکی تیرۆرستی لە دانیمارک و ئەڵمانیا دەستگیرکران

2021.02.12 - 15:25
App store icon Play store icon Play store icon
شانەیەکی تیرۆرستی لە دانیمارک و ئەڵمانیا دەستگیرکران

ناس کورد-

میدیاکانی وڵاتی دانیمارک بڵاویانکردەوە، دەزگای هەواڵگریی وڵاتەکە 14 کەسیان بەگومانی پیلاندانان بۆ هێرشێکی تیرۆرستی لە دانیمارک و ئەڵمانیا دەستگیرکردووە.

کەناڵی ناس کورد لە تێلیگرام جۆین بکە   

 

بەگوێرەی هەواڵیکی ماڵپەڕی "حوڕە"ی ئەمەریکی (هەینی 12ی شوباتی 2021) کە "ناس کورد" بەدواداچوونی بۆکردووە، "دەزگای هەواڵگریی دانیمارک لە ڕاگەیەندراوێکدا ئەوەی پشتراستکردووەتەوە کە دوێنێ ( پێنجشەممە) 13 کەسیان لە کۆپنهاگن و کەسێکی دیکەشیان لە ئەڵمانیا دەستگیرکردووە".

 

لەڕاگەیەندراوەکەدا ئەوەش هاتووە، " ئەو 13 کەسەی کە لەدانیمارک دەستگیرکراون هەوڵیانداوە چەند هێرشێکی تیرۆریستی یان بەشداریکردن لە ئەنجامدانی کردەوەیەکی تیرۆریستی بکەن، هاوکات هەوڵی بەدەستهێنانی کەرەستە و پێکهاتەی تەقەمەنی و چەکیان کردووە".

 

ئاماژە بەوەشکراوە، " ئەو 13 دەستگیرکراوە پێکهاتوون لە هەشت پیاو و پێنج ژن، سێ لە تۆمەتبارەکانیش بران و بەڕگەز سورین کە دووانیان لە دانیمارک و سێیەمیشیان لە ناوچەی هیسن لە ئەڵمانیا دەستگیرکراون، ئەو سێ کەسە هەوڵیانداوە ماددەی کیمیایی تایبەت بە دروستکردنی تەقەمەنی لەڕێگەی ئینتەرنێتەوە بکڕن".

 

ماڵپەڕە ئەمەریکییە باسیلەوەشکردووە، نوسینگەی داواکاریی گشتیی ئەڵمانیا ئەوەی ڕاگەیاندووە، "لە ئەنجامی گەڕان و پشکینین لە دوو شوێنی نیشتەجێبوون لە هەردوو شاری دێسا و ڕۆسلاو 10 کیلۆگرام پاودەری ڕەش و چەندین تەرەقەیان دۆزیوەتەوە، هاوکات لە دانیمارکیش دەست بەسەر ماددەی کیمیایدا گیراوە."