گه‌ڕان

Shadow Shadow
سیاسه‌تی

زانیاری زیاتر

پارتی لەبارەی ’’هەماهەنگیی لەگەڵ تورکیا بۆ هێرشکردنەسەر پەکەکە’’ ڕوونکردنەوە دەدات

2021.02.12 - 12:22
App store icon Play store icon Play store icon
پارتی لەبارەی ’’هەماهەنگیی لەگەڵ تورکیا بۆ هێرشکردنەسەر پەکەکە’’ ڕوونکردنەوە دەدات

ناس کورد-

بەرپرسی پەیوەندییە گشتییەکانی پارتی ڕەتیکردەوە، لە هێرشەکانی سەر پەکەکەدا لە هەرێمی کوردستان، پارتی هەماهەنگی لەگەڵ تورکیادا هەبێت و ڕآشیگەیاند، ئەوان پارێزەری تورکیا نیین.

کەناڵی ناس کورد لە تێلیگرام جۆین بکە   

 

عەلی حسێن، بەرپرسی پەیوەندییە گشتییەکانی پارتی لە لێدوانێکی تەلەفزیۆنیدا (هەینی 12ی شوباتی 2021) ڕایگەیاند، "پەکەکە بە هاتنیان بۆ هەرێمی کوردستان سوپای تورکیایان هێناوەتە خاکی هەرێم و داوایان لێدەکەین کە بچنەوە سنوری خۆیان بۆ خەبات کردنی خۆیان، چونکە ئێرە شوێنی خەباتی پەکەکە نییە."

 

لەبارەی ئەوەی هیچ هەماهەنگییەکیان هەیە لەگەڵ تورکیا لە هێرشکردنەسەر پەکەکە، عەلی حسێن ئاماژەی بەوەکرد، "ئەوە کێشەی پارتی نییە و کێشەی سەرجەم هەرێمی کوردستانە، ئێمە پێشتریش وتومانە کە پارتی بەشێک نییە لەو کێشەیە."

 

باسی لەوەشکرد، "پەکەکە بووەتە کێشە بۆ هەرێمی کوردستان و ڕۆژئاوای کوردستان تەنانەت باکوری کوردستانیش، چونکە هەر هێزێکی کوردی دروست بوو لە باکور، پەکەکە نەیانهێشت سەرکەوتووبن و ئاستەنگیان بۆ دروست کردن."

 

جەختیشیکردەوە، "ئێمە هیچ پەیوەندییەکمان لەگەڵ پەکەکە نییە و ڕێزیش لە خەباتی میللەتی کورد دەگرین، بەڵام بارودۆخ و چارەسەری کێشەی هەر پارچەیەکی کوردستان جیاوازە، پەکەکە بەرەو قوڵایی شارەکانی هەرێمی کوردستان هاتووە و دەیەوێت بڕیار لەسەر قەوارەی هەرێمی کوردستان بدات و لە جێی دەسەڵات بڕیار بدات."

 

بەرپرسی پەیوەندییە گشتییەکانی پارتی ئاماژەی بەوەشکرد، "ئێمە لەگەڵ ئەوەین کە کێشەی کورد بەشێوەی ئاشتیانە لەسەرجەم پارچەکان چارەسەر بکرێت، بەڵام ئێمە لەگەڵ سیاسەتی پەکەکەدا نیین ئەوەی کە تایبەتە بە ئێمە، پەیوەندیشمان بە تورکیاوە نییە، ئێمە پارێزەری تورکیا نیین و پەیوەندیمان نییە بەسەریانەوە لە دەرەوەی خاکی هەرێم چی دەکەن یاخود نا."