گه‌ڕان

Shadow Shadow
سیاسه‌تی

وردەکاری

’’6 ڕۆژ لە فەلوجە’’.. یارییەکى جەنگى لەسەر شەڕى فەلوجە بەرهەم دەهێنرێت (ڤیدیۆ)

2021.02.11 - 22:55
App store icon Play store icon Play store icon

ناس کورد- 

کۆمپانیایەکى یارییە ئەلکترۆنییەکان ئاشکرایکرد، یارییەکى جەنگى لەسەر شەڕى فەلوجە بەرهەمدەهێنێت و لەمساڵیشدا یارییەکە بۆ چەند ئامێرێک بەردەست دەبێت.

کەناڵی ناس کورد لە تێلیگرام جۆین بکە   

 

کۆمپانیاى "ڤیکتۆرا" بڵاویکردووەتەوە، یارییەکى تەکتیکى بەناوى "6 ڕۆژ لە فەلوجە" لەسەر شەڕى دووەمى فەلوجە بەرهەمدەهێنن و لەساڵى 2021دا بەردەست دەبێت، یارییەکە بۆ ئامێرەکانى کۆمپیوتەر و پلەى ستەیشن و ئێکس بۆکس بەردەست دەبێت.

 

پێشتر بڕیاربوو هەمان یارى دروست بکرێت، بەڵام پێش یەک دەیە یارییەکە لەلایەن دیزاینەرە سەرەکیەکەوە هەڵوەشێنرایەوە و تەواو نەکرا.

 

یاریەکە لەسەر ڕوداوە ڕاستیەکانى شەڕى  فەلوجەى دووەم دروست دەکرێت کە لە ساڵى 2004 لەشارى فەلوجەى عێراق ڕوویدا و ڕوداو و دیمەن و شێوازى یاریەکە لەسەر بنەماى وەرگرتنى زانیارى لە زیاتر لە 100 سەربازى ئەمریکى و هاوڵاتیانى مەدەنى عێراقیەوە بەرهەمدەهێنرێت.

 

ڕوداوەکانى یاریەکە باس لەو 6 ڕۆژە دەکات کە سەربازانى هێزى مارێنزى ئەمریکى لە شەڕدا بوون لەو شارە و توانیان شارەکە لە چنگى گروپە چەکداریەکان دەربهێنن، بەکارهێنەرانى یاریەکە دەتوانن سەرکردایەتى تیمێک بکەن و شەڕى دژى چەکدارانى ڕێکخراوەکە بن.

 

پەرەپێدەرانى یاریەکە جەختلەوەدەکەنەوە، ئەو تەکنەلۆجیایانەى لە یاریەکەدا بەکارى دەهێنن پێشتر لە هیچ یاریەکى تردا بەکارنەهێنراوە، لەماوەى داهاتوشدا زانیارى زیاتر لەسەر یاریەکە بڵاودەکرێتەوە.

 

لەشەڕى فەلوجەدا زیاتر لە 15 هەزار سەربازى ئەمریکى بەشداریان تێدا کرد و شارەکەش بەدەست زیاتر لە 5 هەزار ئەندامى گروپە چەکدارییەکانەوە بوو، لەکۆتاییدا شەڕەکە لە بەرژەوەندى ئەمریکا و هاوپەیمانان کە هێزە عێراقیەکانیشیان لەگەڵدا بوو کۆتایى هات.

 

بەپێى زانیاریەکان 1600 ئەندامى گروپە چەکدارەکان و 1050 هاوڵاتى مەدەنى و 95 سەربازى ئەمریکى  و 8 سەربازى عێراقى و 4 سەربازى بەریتانى کوژران و سەدان سەربازى تریش لە هەرسێ هێزەکە بەتایبەتى مارێنز بریندار بوون.