گه‌ڕان

Shadow Shadow
سیاسه‌تی

واشنتۆن داوایەکى بەپەلە ئاڕاستەى تورکیا دەکات

2021.02.11 - 20:57
App store icon Play store icon Play store icon
واشنتۆن داوایەکى بەپەلە ئاڕاستەى تورکیا دەکات

ناس کورد-

 

واشنتۆن فشارەکانى بۆ ئازادکردنى بازرگانێکى خێرخوازى تورکیا بەناوى عوسمان کاڤالا دەستپێکردووە کە بۆ ماوەى زیاتر لە سێ ساڵ زیندانییە بەتۆمەتى بەشداریکردن لەهەوڵى کودەتاکەى تورکیا.

 

کەناڵی ناس کورد لە تێلیگرام جۆین بکە   

 

لەلێدوانێکی ڕۆژنامەوانیدا کە ناس کورد بەدواداچوونى بۆ کردووە، نید برایس وتەبێژى وەزارەتى دەرەوەى ئەمەریکا (11ى شوباتى 2021) ڕایگەیاندووە "ئەو تۆمەتە بێ بنەمایانەى کە ئاڕاستەى کاڤالا کراوە و هەروەها زیندانیکردنى و دواخستنى دادگاییکردنى بەتایبەت لکاندنى پرسى تر بەکەیسەکەیەوە پێچەوانەى ڕێزگرتنى سەروەرییەکانى یاسا و دیموکراتیەتە".

 

وتیشى "هانى تورکیا دەدەین بۆ ئەوەى ڕێز لەبڕیارەکانى دادگاى ئەوروپى بۆ مافەکانى مرۆڤ و گەرەنتى چارەسەر کردنى کێشەکان بەشەفافانە و دادپەوەرانە بگرێت، پەلە بکات لەیەکلایى کردنەوەى ئەو پرسەدا بەپێى یاسا نێودەوڵەتیەکان".

 

عوسمان کاڤالاى تەمەن 63 ساڵ لەمانگى تشرینى یەکەمى ساڵى 2017 بەتۆمەتى بەشداریکردن لە هەوڵى کودەتاکەى تورکیا دەستگیر کرا، دواتر سزاى زیندانیکردنى هەتا هەتایى بەسەردا سەپێنرا. دواتر کەیسێکى تر لەدژى ساغکرایەوە کە گوایە بەشدارى خۆپیشاندانێکى کردووە لەدژى حکومەت لەساڵى 2013 و ئەو مامەڵەیەش کاردانەوەى نێودەوڵەتى لەدژى تورکیا بەدواى خۆیدا هێناوە.

 

هاوشێوەى ئەو کەیسەش لەسعودیە، دواى دەستبەکاربوونى جۆبایدنى سەرۆکى ئەمەریکا لجین زەهلول ژنە چالاکوانى ئەو وڵاتە کە سزاى زیندانیکردنى بەسەردا سەپێنرابوو دواى 2 ساڵ مانەوەى لەزینداندا بەفشارى ئەمەریکا ئازادکرا.

 

تۆمەتەکانى سەر لجین زەهلول  زیانگەیاندن بوو بەئاسایش و بەها سیاسی و ئاینیەکانى سعودیە.