گه‌ڕان

Shadow Shadow
سیاسه‌تی

وردەکاریى

ڕونکردنەوەى وەزیرى پەروەردە لەسەر تۆمارکردنى توشبوون بە کۆرۆنا لەناوەندەکانى خوێندن 

2021.02.11 - 13:18
App store icon Play store icon Play store icon
ڕونکردنەوەى وەزیرى پەروەردە لەسەر تۆمارکردنى توشبوون بە کۆرۆنا لەناوەندەکانى خوێندن 

ناس کورد-

وەزیری پەروەردەی حکومەتی هەرێمی کوردستان لەسەر بڵاوبوونەوەی کۆرۆنا لە ناوەندەکانی خوێندن ڕونکردنەوە دەدات و دەڵێت "حاڵەتی توشبوونی کۆرۆنا لە ناو قوتابخانەکان هەبووە".

 

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

 

ئالان حەمە سەعید، وەزیرى پەروەردەى هەرێم (11ى شوباتى 2021) لەمیانی لێدوانێکی بۆ رۆژنامەنوسان کە "ناس کورد" بینەری بوو ڕایگەیاند، کردنەوەی دەرگای قوتابخانەکان لەسەر ڕاپۆرتەکانی وەزارەتی تەندروستی بووە، ئەوەش بەو مانایە نییە مەترسی نییە، مەترسی هەیەو پێویستە پابەندی ڕێکار و ڕێنماییە تەندروستییەکان بین و بۆ ئەوەش بەشێکی پێداویستییەکان بۆ قوتابخانەو خویندنگەکان دابینکراوە.

 

وتیشی "تا ئێستاش ڕۆژانە ئاماری توشبوونی کۆرۆنا لە هەرێمی کوردستان تۆمار دەکرێت و ناوەندەکانی خوێندنیش بێبەش نین لەو ئامارانە بەڵام داوا دەکەین میدیاکان زەمینەسازییەک بۆ ئەمە نەکەن و قوتابخانەیەک نەکەنە ئامانج".

 

لەسەر دەنگۆی بڵاوبوونەوەی کۆرۆنا لەناوەندەکانی خوێندن وتی "حاڵەتی توشبوون بە کۆرۆنا لە قوتابخانەکان تۆمار کراوە بەڵام حاڵەتێکی زۆر کەمەو لەیادتان نەچێت نزیکەی یەک ملیۆن و 715 هەزار قوتابیمان هەیە لە قوتابخانە حکومییەکان و زیاتر لە 100 هەزار قوتابیمان هەیە لە ناحکومییەکان و زیاتر لە 130 هەزار مامۆستای میلاک و 30 هەزار فەمانبەرو بە هەزاران وانەبێژ لەناو ناوەندەکانی خوێندندان کە کۆی گشتییان نزیکەی 2 ملیۆن هاووڵاتییە لەکۆمەڵگەی کوردی بەوەش توشبوون دەبێت چونکە ئەوانە بەشێکن لەکۆمەڵگەی کوردی بەڵام گرنگ ئەوەیە زوو چارەسەر بکرێت و پابەندی ڕێنماییەکانیش بن".

 

داواشیکرد، پەروەردەکاران کە لەئێستادا بەرپرسیارانە کار دەکەن هەر حاڵەتێکییان بەدی کرد گوماناوی بوو بەزویی لایەنی پەیوەندیداری لێ ئاگادار بکەنەوە".