گه‌ڕان

Shadow Shadow
سیاسه‌تی

وردەکاریى

خواردنی سێ هێلکە لەهەفتەیەکدا چى بەسەر جەستەدا دەهێنێت؟ 

2021.02.10 - 22:47
App store icon Play store icon Play store icon
خواردنی سێ هێلکە لەهەفتەیەکدا چى بەسەر جەستەدا دەهێنێت؟ 

ناس کورد-  

توێژینەوەیەکی پزشیکی نوێ ئاشکرای کرد، خواردنی سێ هێلکە لە هەفتەیەکدا مەترسی مردنی گەنجان زیاتر دەکات، ئاماژە بەوەشکراوە، زەردێنەی هێلکە کۆلیسترۆڵ و چەوریی بەرزی تێدایە کە ئەگەری توشبوون بە شێرپەنجەی خوێن و جەڵتەی دڵ بەرزدەکاتەوە، بۆیە ڕێژەی مردنی گەنجان لە 19% زیاد دەکات.

 

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

 

بەگوێرەی هەواڵیکی ڕۆژنامەی"زەسەن"ی بەریتانی (10ی شوباتی 2021) کە"ناس کورد" بە دواداچوونی بۆ کردووە، ئاماژە بەوە کراوە، توێژینەوەکەی پزیشکی نوێ کە لە گۆڤاری"PLOS Medicine" بڵاوکراوەتەوە "ئەوەی دەرخستووە، خواردنی سێ هێلکە لە هەفتەیەکدا گەنجان دوچاری مەترسی مردنی پێشوەختە دەکاتەوە بەڕێژەی یەک لەسەر پێنج".

 

بەگوێرەی توێژینەوەکە "ئەو کەسانەی کە سێ هێلکە لە هەفتەیەکدا دەخۆن وەک ئەوە وایە کە لەڕۆژێکدا ڕێژەی کۆلیسترۆڵیان 300 میلیگرام زیاد کردبێت، بۆیە ئەو کەسانە لە 19% لەکەسانی تر زیاتر دوچاری مردن دەبنەوە".

 

لێکۆڵەرەوەکانی توێژینەوەکە هۆشداریی ئەوەشیان داوە "زەردێنەی هێلکە کۆلیسترۆڵ و چەوریی بەرزی تێدایە کە ئەوەش وادەکات ئەگەری توشبوون بەشێرپەنجەی خوێن و جەڵتەی دڵ زیاتر بکات".

 

یوزانگ، کە یەکێکە لەبەشداربووانی توێژینەوەکە لەو بارەیەوە دەڵێت "لەم توێژنەوەیەدا دەرکەوتووە خواردنی هێلکە پەیوەندی سەرەکی بە نەخۆشی دڵ وخوێنبەرەکان و مردن بە شێرپەنجەوە هەیە".

 

ئاماژەی بەوەشکردووە "لەماوەی ڕابردوودا تێکرای مردن بەهۆی شێرپەنجە و نەخۆشییەکانی دڵ و دەمارەوە بەڕێژەی 16 بۆ 24%دا زیاد کردووە".

 

توێژینەوەکە ئەوەشی ئاشکراکردووە "هێلکە پەیوەندی بەکۆمەڵە نەخۆشییەکی دیکەشەوە هەیە وەک نەخۆشییەکانی هەناسەدان، زەهایمەر و شەکرە، بۆیە پسپۆڕان هانی ئەوە دەدەن کە پێویستە تەنها سپێنەی هێلکە بەکاربهێنن".