بەڵێنێک لە حکومەتى هەرێمەوە بۆ عێراق لەبارەى رادەستکردنى نەوت و چاودێرى دارایى [بەڵگە]

ناس کورد- 

حکومەتی هەرێمی کوردستان وەڵامی پرسیارەکانی لیژنەی دارایی پەرلەمانی عێراقی دایەوە لە بارەی گرێبەستە نەوتییەکان و ژمارە و ڕێژەی نەوتی هەناردەکراو لەکوردستان.

 

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

بەگوێرەی بەڵگەنامەیەک کە دەست "ناس کورد" کەوتووە ( 10ی شوباتی 2021 ) حکومەتی هەرێمی کوردستان وەڵامی ئەو پرسیارانەی داوەتەوە کە لەنوسراوی ژمارە 1821 ی لیژنەی دارایی  پەرلەماندا هاتووە لە 26 ی کانوونی دوومی 2021 بەم جۆرەی خوارەوە :

 

یەکەم- سەرەتا سەبارەت بەو ئامادەباشیەی حکومەتی هەرێمی کوردستان بۆ پێداچوونەوە بەگرێبەستە نەوتییەکاندا، حەزدەکەین ئەوە بخەینەڕوو، کە حکومەتی هەرێم هەر لەئێستاوە دەستیکردووە بەپێداچوونەوە بەگرێبەستە نەوتییەکانی و کەناڵەکانی دانوستانی لەگەڵ کۆمپانیاکانی نەوت وەک بەشێک لەبەرنامەی چاکسازی لەکەرتی نەوت دەست پێکردووە.

 

دووەم - حکومەتی هەرێمی کوردستان ئامادەیە تەواوی هەناردەی نەوت ڕادەست بکات، بەمەرجێک حکومەتی فیدراڵ خۆی پەیوەست بکات بە هەموو پابەندە نەوتییەکانەوە، وەک  تێچوونی بەرهەمهێنان ،گواستنەوە، عەمبارکردن و ئەو  قەرزانەی کە پەیوەستن بە دۆسیەی نەوتەوە .

 

سێیەم - سەبارەت بەکارەکانی دیوانی چاودێری دارایی فیدراڵی و وردبینی داتاکان، حکومەتی هەرێمی کوردستان جەختدەکاتەوە  لەسەر ئەوەی کە رێگری ناکات لە ئەنجامدانی هەموو وردبینییەکانی داتاکانی بەپێی ئەو میکانیزمەی کە لە ماددەی 34، بڕگەی دووەم، بڕگەی ب لە یاسای بەڕێوەبردنی دارایی فیدراڵی ژمارە 6ی ساڵی 2019دا هاتووە.