گه‌ڕان

Shadow Shadow
سیاسه‌تی

داشکاندنى گەورە بۆ قەرزى ئاو

شارەوانى هەنگاو بۆ چارەسەرى هەڵە خوێندنەوەى پێوەرەکانى ئاو دەنێت

2021.02.10 - 15:45
App store icon Play store icon Play store icon
شارەوانى هەنگاو بۆ چارەسەرى هەڵە خوێندنەوەى پێوەرەکانى ئاو دەنێت

ناس کورد-
وەزارەتى شارەوانى حکومەتى هەرێمى کوردستان لەهەوڵى بە ئەلیکترۆنیکردنى پڕۆسەى پێدانى ئاوە بە هاوڵاتییان، بەمەبەستى چارەسەرکردنى کێشەى هەڵە خوێندنەوە لە پێوەرەکانى ئاوى ماڵان.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

کۆردۆ شابان، وتەبێژى وەزارەتەکە (10ی شوباتی 2021) بە ناس کوردى ڕاگەیاند، سیستەمەکە بەجۆرێکە هاوڵاتییان هاوشێوەى پارەى کارەبا، پارەى ئاویشیان بۆ دەگەڕێتەوە و یەکەکانى خوێندنەوەى پێوەرەکان دیاریدەکرێت و هاوڵاتییان دەزانن کە چەندە ئاویان بەکارهێناوە.

 

وتیشى، "ئەو سیستەمە بۆ نەهێشتنى گرفتى هەڵە خوێندنەوەى بەشێک لە پێوەرەکانە کە هاوڵاتییان باسى دەکەن".

 

کۆردۆ شابان باسى لەوەشکرد، پارەى ئاو گۆڕانکاریی تێدا نەکراوە لەلایەن وەزارەتەوە، هەروەها هیچ رێنماییەکیش دەرنەکراوە بۆ داشکاندن لە قەرزى ئاو کە لەلاى بەشێک لە هاوڵاتییانە.

 

کۆردۆ شابان داواى لەو هاوڵاتییانە کرد کە گومانیان لە خوێندنەوەى پێوەرەکان هەیە، سەردانى بنکەکانى دابەشکردن ئاو بکەن تا کێشەکەیان بۆ چارەسەر بکرێت.

 

کێشەى هەڵە خوێندنەوەى پێوەرى ئاوى ماڵان ماوەى چەند مانگێکە زیاتر گەورە بووە و بەشێک لە هاوڵاتییان دەڵێن پێوەرەکە هەواش دەخوێنێتەوە و مانگانە پارەیەکى زۆریان بۆ دێتەوە و قەرزێکى زۆریان لەسەر کەڵەکە بووە.

 

هەرچەندە وتەبێژى وەزارەتى شارەوانى جەختیکردەوە کە هیچ بڕیارێک نییە بۆ داشکانى ئەو قەرزەى کەڵەکە بووە، بەڵام ئەندامێکى لیژنەی شارەوانی لە پەرلەمان رایگەیاند، كار بۆ كەمكردنەوەی قەرزی ئاو دەكەن و بڕیارە داشكاندنێكی زۆرى بۆ بكرێت.

 

كلارا عودیشو بە پێگەى فەرمى پارتى وتووە "لەگەڵ وەزیری شارەوانی و بەڕێوەبەری گشتی، پرسی پێوەری ئاومان تاوتوێكردووە بۆ ئەوەی بڕیار لەسەر كەمكردنەوەی قەرزەكە بدرێت، بە مەرجێك ھاووڵاتیش پابەند بێت بە بەستنی پێوەری ئاو".