گه‌ڕان

Shadow Shadow
سیاسه‌تی

لە ڕێگەى فەیسبوکەوە هەڵهات

’’حەوت جار دەستدرێژیی لەشەوێکدا’’.. چیرۆکى ئەو کچەى ئێزیدییەى درایە ئەمیرێکى داعش

2021.02.10 - 10:34
App store icon Play store icon Play store icon
’’حەوت جار دەستدرێژیی لەشەوێکدا’’.. چیرۆکى ئەو کچەى ئێزیدییەى درایە ئەمیرێکى داعش

ناس کورد-

"زیاتر لە حەوت جار لە شەوێکدا روبەڕووى دەستدرێژى بوومەوە، بەشێک لە کچەکان خۆکوشتنیان هەڵدەبژارد لەجیاتى مانەوەیان لە چنگى داعش"، نەجلا سەعید کچە ئێزیدى رزگاربووى دەستى داعش بەو شێوەیە دەستیکرد بە گێڕانەوەى ئەو مەرگەساتە کرد کە چەکدارانى ئەو ڕێکخراوە بەسەریاندا هێنا.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

نەجلا تەمەن 24 ساڵ خەڵکى گوندى (تل قەسەب)ە لە شنگال، ساڵى 2014 لەگەڵ خوشکەکەى کەوتنە دەست داعش، کاتێک داعش هێرشیکرد و دەستى بەسەر گوندەکەیاندا گرت.

 

نەجلا و هەزاران کچ و ژنى دیکەى ئێزدى زیاتر لە شەش ساڵ لەمەوبەر لە بەعاجەوە گوازرانەوە ناوچەکانى دیکەى ژێر دەستى داعش لە سوریا و لە بازاڕەکانى ڕەقە لە سوریا وەک "کۆیلە" مامەڵەیان پێوەکرا.

 

"بەرپرسانى بازاڕەکە ژن و کچەکانیان جیاکردەوە بەپێی تەمەن و جوانى جەستەیان، وەک ئامادەکاریی بۆ فرۆشتنیان"، نەجلا بەو شێوەیەکى چیرۆکى ژیانى بۆ "سکاى نیوز" گێڕاوەتەوە کە "ناس کورد" بەدواداچوونى بۆ کردووە.

 

وتیشى، "ئەوانەى تەمەنیان کەم بوو جوان بوون دەبران بۆ ئەمیر و بەرپرسانى دیارى داعش، من یەکێک بووم لەوانەى لەشەوێکدا زیاتر لە حەوت جار دەستدرێژیم کرایەسەر".

 

نەجلا لە لیستى کچە "کۆیلە جوانەکاندا" تۆمارکرابوو کە وەک دیارى پێشکەشى ئەمیرەکانى داعش دەکرا و درا بە کەسێکى عێراقى بەناوى "خەلەف جەمیل" کە ئەمیرى داعش بوو لە سوریا، پێش ئەوەى پلەکەى لەدەستبدات و ببێتە چەکدارێکى ئاسایی داعش.

 

ئەو کچە ئێزیدییە لەناوچەکانى دەوروبەرى دێرەزور بەردەوام دەگوازرایەوە لەگەڵ پێشڕەوییەکانى هێزەکانى سوریاى دیموکرات. مێردە ئێزیدییەکەى لە شەڕى باغۆز کوژرا و لەگەڵ خانەوادەکەى چوونە دەوربەرى حەسەکە.

 

کەناڵی ناس کورد لە تێلیگرام جۆین بکە

 

نەجلا لەرێگەى فەیسبوکەوە توانى خانەوادەکەى بدۆزێتەوە، کاتێک هەژمارى خوشکەکەى دۆزییەوە کە لەساڵى رابردوو لەدەست داعش رزگارکرابوو. دواتریش توانى هەڵبێت و خۆى لەدەست ئەو رێکخراوە رزگاربکات.

 

ماڵى ئێزیدى کە لایەنى فەرمى ئێزیدییەکانى لە هەرێمى جەزیرە لە باکورى رۆژهەڵاتى سوریا، لە 24 ى کانونى دووەمى رابردوودا وەرگرتنەوەى نەجلاى راگەیاند.