گه‌ڕان

Shadow Shadow
سیاسه‌تی

’’هەڕەشەی ئەمنی’’

سەرایا سەلام ژمارەی ئەو چەکدارانەى ئاشکرا کرد کە بڵاوەیان پێکراوە

2021.02.09 - 22:21
App store icon Play store icon Play store icon
سەرایا سەلام ژمارەی ئەو چەکدارانەى ئاشکرا کرد کە بڵاوەیان پێکراوە

ناس کورد-

وتەبێژى میلیشیاکانی سەرایا سەلامى سەر بە ڕەوتی سەدرى ژمارەى ئەو هێزانە ئاشکرا دەکات کە ئێوارى دوێنێ لە بەغدا و پارێزگاکانی تر بڵاوەیان پێکرا و جەخت دەکاتەوە  کە ئەوان شوێنگرەوەى سوپا نین بەڵکو هاوکارى سوپا دەکەن.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

سەفا تەمیمى لە گفتوگۆیەکى تەلەفزیۆنیدا کە "ناس کورد" بەدواداچونى بۆ کردوە سەبارەت بە بڵاوکردنەوەى هێزەکانیان لە شارى بەغدا و چەند پارێزگایەکى تر (9ى شوباتى 2021) وتى، "تویتەکەى ساڵح محەمەد عێراقى وەزیرى فەرماندە موقتەدا سەدرمان بینى سەبارەت بە بوونى هەڕەشە لەسەر هەرسێ پارێزگاى بەغدا، کەربەلا و نەجەف، ئەوەش لە ڕێگەى هەماهەنگی نێوان شانە نوستووەکانی داعش و حزبی بەعسەوە."

 

زیاتر بخوێنەوە: سەدر هێزەکانی لە بەغدا و نەجەف و کەربەلا بڵاوەپێکرد

زیاتر بخوێنەوە: کازمی لەسەر بڵاوەپێکردنی هێزەکانی سەدر لە بەغدا و شارەکانی تر هاتەدەنگ

 

ڕوونیشی کردەوە "ئەوەى لە کۆبوونەوەى دەستەى جیهادى بە فەرماندەیى حاجى ئەبو یاسر کردمان ئەوە بوو کە لایەنە سەربازییە پەیوەندیدارەکانمان لە فەرماندەیی ئۆپراسیۆنەکان ئاگادار کردەوە و پێشوەخت جوڵەمان کرد، زیاتر لە 100 هەزار چەکدار بڵاوکرانەوە."

 

دەشڵێت، "هیچ پێکدادانێک لەگەڵ هێزە ئەمنیەکان و هیچ لایەنێکى تر و هاوڵاتیاندا ڕووی نەدا، تەنانەت پێکدادانى ئۆتۆمبێلیش ڕووینەدا، هیچ ڕێگەیەکمان نەگرت و تایەمان نەسوتاند و دەستدرێژیمان نەکردنە سەر ئۆتۆمبێلەکانى فریاکەوتن و کاسبکاران."

 

وتەبێژەکەى سەرایا سەلام لە بەشێکى ترى قسەکانیدا جەختی لەوەکردوەتەوە کە "ئەوەى ڕوویدا بەکارهێنانى چەک لە دەرەوەى دەوڵەت نەبوو، بەڵکو نیمچە مانۆڕێک و بڵاوبوونەوە بوو بە هاوکارى سوپا، ئەوەى کردمان دژى سوپاى نەبوو بەڵکو بۆ هاوکارى سوپا بوو، شوێنگرەوەى سوپا نین بەڵکو پاڵپشتیکەریانین."

 

دوای ئەوەی وەزیرەکەی موقتەدا سەدر کە ناسراوە بە محەمەد ساڵح عێراقی لە تویتێکدا هۆشداری دا لە بوونی پلانێک بۆ هێرشکردنە سەر مەزارگەکانی ئیمامەکانی شیعە لە چەند ناوچە و شوێنکی عێراق، ئێوارەى دوێنێ چەکدارانی میلیشیاکانی "سەرایا سەلام"ی سەر بە ڕەوتی سەدر لە بەغدا و نەجەف و کەربەلا و سامەڕا بڵاوەیان پێکرا.

me_ga.php?id=2538me_ga.php?id=2536me_ga.php?id=2535me_ga.php?id=2537me_ga.php?id=2539