گه‌ڕان

Shadow Shadow
سیاسه‌تی

وردەکاری

یەکێتی ڕوونکردنەوە لەسەر ’’دەستلەکارکێشانەوەی ژمارەیەک پەرلەمانتار و سەرکردایەتی’’ دەدات

2021.02.08 - 19:03
App store icon Play store icon Play store icon
یەکێتی ڕوونکردنەوە لەسەر ’’دەستلەکارکێشانەوەی ژمارەیەک پەرلەمانتار و سەرکردایەتی’’ دەدات

ناس کورد-

وتەبێژی فراکسیۆنی یەکێتی لە پەرلەمانى عێراق لە ڕوونکردنەویەکدا دەنگۆی هەڕەشەی دەستلەکارکێشانەوەی ژمارەیەک پەرلەمانتار و سەرکردایەتی لە حزبەکەی ڕەت دەکاتەوە و دەڵێت، "ئەو هەواڵە دوورە لە ڕاستییەوە".

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

بەختیار جەبار شاوەیس لە ڕوونکردنەوەیەکدا کە وێنەیەکی دەست "ناس کورد" کەوتووە (8ی شوباتی 2021) ڕایگەیاندووە، "ئەمڕۆ لە کەناڵێکی تەلەڤیزیۆنی هەواڵێک بڵاوکراوەتەوە لەژێر ناونیشانی (بەشێک لەسەرکردایەتی و پەرلەمانتاری یەکێتیی هەڕەشەی دەستلەکارکێشانەوە دەکەن)، ئێمە لەفراکسیۆنی یەکێتیی سەرلەبەری هەواڵەکە ڕەت دەکەینەوە و بەهەموو لایەکی ڕادەگەیەنین کە ئەم هەواڵە دورە لە ڕاستیەوە".

 

باسی لەوەشکردووە، "هیچ هەڤاڵێکی ئێمە لێدوانی لەوشێوەیەی نەداوە، هەروەها هەموو لایەک دەزانن کە بڕیاری ئێمە لەچوارچێوەی ستراتیژی هاوسەرۆکان و ئەنجومەنی سەرکردایەتی یەکێتیی نیشتمانی کوردستاندایە".



پێشتر کەناڵێکی تەلەڤیزیۆنی لە زاری سەرچاوەیەکی باڵای مەکتەبی سیاسی یەکێتی ڕایگەیاندبوو، بەشێک لە سەرکردایەتی و پەرلەمانتاری یەکێتیی هەڕەشەی دەستلەکارکێشانەوە دەکەن و لەگەڵ ئەوە نیین سلێمانی بەتەنها مامەڵە لەگەڵ بەغدا بکات و بۆ ئەوەش ژمارەیەک لە ئەندامانی سەرکردایەتی و پەرلەمانتارانی هەولێرو دهۆک هۆشداریانداوەتە مەکتەبی سیاسی حزبەکەیان و هەڕەشەی دەستلەکارکێشانەوەیان کردووە ئەگەر سلیمانی بەتەنها مامەڵە لەگەڵ بەغدا بکات.