گه‌ڕان

Shadow Shadow
سیاسه‌تی

ڕاگەیەنراوی کۆبوونەوەی لیژنەی جێبەجێکردنی یاسای چاکسازی و مەسرور بارزانی

2021.02.08 - 17:57
App store icon Play store icon Play store icon
ڕاگەیەنراوی کۆبوونەوەی لیژنەی جێبەجێکردنی یاسای چاکسازی و مەسرور بارزانی

ناس کورد-

سەرۆکی حکومەتی هەرێمی کوردستان سەرپەرشتی کۆبوونەوەی لیژنەی باڵای جێبەجێکردنی یاسای چاکسازی کرد و ڕایگەیاند، "ئامانج لە چاکسازی هێنانەدی دادپەوەری و پاراستنی مافی خەڵکی شایستەیە."

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

بەپێی ڕاگەیەنراوێکی لیژنەکە کە کۆپییەکی دەستی "ناس کورد" کەوتووە، لە کۆبوونەوەکەدا (دووشەممە - 8ی شبواتی 2021) "گفتوگۆ دەربارەی هەنگاوەکانی جێبەجێکردنی (یاسای چاکسازی لە موچە و دەرماڵە و بەخشین و ئیمتیازاتەکان و خانەنشینی) لە وەزارەت و دامودەزگاکانی حکومەتی هەرێمی کوردستان کرا."

 

دەشڵێت، "سەرۆکی حکومەت ئاماژەی بەوەدا کە ئامانج لە چاکسازی هێنانەدی دادپەوەری و پاراستنی مافی خەڵکی شایستەیە، دووپاتیشی کردەوە کە چاکسازی پرۆسەیەکی بەردەوامە و سەرجەم کەرتەکان دەگرێتەوە و حکومەتی هەرێمی کوردستانیش سوورە لە سەر درێژەدان بە چاکسازیی کارگێڕیی و دارایی و نەهێشتنی گەندەڵی و بەفیڕۆدانی سامانی گشتی."

 

دەشڵێت، عەبدولحەکیم خسرەو، سکرتێری لیژنەی باڵای جێبەجێکردنی یاسای چاکسازی هەنگاوەکانی جێبەجێکردنی یاسای چاکسازی خستەڕوو، پاشان وەزیرە پەیوەندیدارەکان بە پێی تایبەتمەندی، ڕاپۆرتی خۆیان سەبارەت بە بەرەوپێشچوونەکانی جێبەجێکردنی یاسای چاکسازی، بە ژمارە و زانیاری پێویست پێشکەش کرد، کە تایبەت بوو بە بابەتەکانی پەیوەندیدار بە مووچە و ئیمتیازات و خانەنشینی و ڕێکخستنەوەی هێزەکانی پێشمەرگە و نەهێشتنی ڕووتین لە فەرمانگە و دامودەزگاکانی حکومەتدا."

 


لیژنەکە باسی لەوەش کردووە کە "دوای گفتوگۆ و ڕاگۆڕینەوە، بڕیاردرا ژمارەیەک ڕاسپاردە بخڕێنە بەردەم کۆبوونەوەی ئەنجومەنی وەزیران بەمەبەستی تەواوکردنی هەنگاوەکانی جێبەجێکردنی یاسای چاکسازی ."