گه‌ڕان

Shadow Shadow
سیاسه‌تی

وردەکاری

دابەزینى گەورە لە ئاستى ئاوى بەنداوى دوکان.. ’’کەمتر لە نیوە’’

2021.02.08 - 17:09
App store icon Play store icon Play store icon
دابەزینى گەورە لە ئاستى ئاوى بەنداوى دوکان.. ’’کەمتر لە نیوە’’

ناس کورد-
بەڕێوەبەرى بەنداوى دوکان ڕایگەیاند، ئاستى ئاوى بەنداوەکە بەراورد بە ساڵى ڕابردوو نزیکەى مەترێک کەمترە و هۆکارى سەرەکیش کەمى باران بارینە.

کەناڵی ناس کورد لە تێلیگرام جۆین بکە   

 

بەنداوی دوکان کە لەسەر ڕووباری زێی بچوک و لە پارێزگای سلێمانی دروستکراوە، توانای گلدانەوەی نزیکەى حەوت ملیار مەتر سێ جا ئاوی هەیە، بەڵام ئێستا کەمتر لە نیوەى ئەو بڕەى تێدایە.

 

کەناڵی ناس کورد لە تێلیگرام جۆین بکە

 

کۆچەر جەمال، بەڕێوەبەرى بەنداوى دوکان (8ی شوباتی 2021) لە لێدوانێکیدا بۆ "ناس کورد" ڕایگەیاند، لە ئێستادا ئاستى ئاوى بەنداوەکە 495.1 مەترە لەئاستى ڕووى دەریاوە، بەراورد بە ساڵى ڕابردوو لەم کاتەدا 96 سم کەمترە.

 

وتیشى، "لە ئێستادا نزیکەى سێ ملیار مەتر سێجا ئاو لە دەریاچەکەدا هەیە، هۆکارى سەرەکى کەمى گلدانەوەى ئاویش کەمى باران بارینە، چونکە تا ئێستا 191.6 ملم باران باریوە".

 

لەگەڵ ئەوەشدا بەڕێوەبەرى بەنداوى دوکان پێیوایە ئاستى ئێستاى ئاوەکە گونجاوە، چونکە هێشتا چوار مانگ ماوە بۆ ئەوەى ئاوێکى زیاتر گلبدرێتەوە.

May be an image of text

بەنداوی دوکان کە لەنێوان ساڵانی 1954 -1959 دروستکراوە، درێژییەکەی 260 مەترە و بەرزییەکەى لە ئاستی ڕووی دەریاوە 516 مەترە.