گه‌ڕان

Shadow Shadow
سیاسه‌تی

زانیاری زیاتر

ئەو کەسانە دەستگیرکران کە کوڕێکیان کوشت و لە چەمچەماڵ فڕێیان دا

2021.02.07 - 15:58
App store icon Play store icon Play store icon
ئەو کەسانە دەستگیرکران کە کوڕێکیان کوشت و لە چەمچەماڵ فڕێیان دا

ناس کورد-

بەڕێوەبەرایەتی ئاسایشی ڕۆژئاوای سلێمانی  ڕایگەیاند، تۆمەتبارانی کوژراوەکەی ناحیەی شۆڕش دەستگیرکران کە سێ کەسن و بەهۆکاری کێشەی کۆمەڵایەتی ئەو کەسەیان کوشتووە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی ئاسایشی ڕۆژئاوای سلێمانی  (یەکشەممە 7ی شوباتی 2021) ڕایگەیاند، "سەرلەبەیانی هەینی 5ی شوبات  کەسێک بەناوی (ع ، ھ ، ن ) بەڕەگەز (عەرەب) تەمەن (٢٤) ساڵ دانیشتووی سلێمانی بەکوژراوی لە ناحیەی شۆڕشی سەر بەقەزای چەمچەماڵ لەناو ئۆتۆمبێلەکەیدا جێدەهێڵدرابوو."

 

ئاماژەی بەوەشکردووە، دەستبەجێ هێزەکانمان کەوتنە کۆکردنەوەی زانیاری و بەدواداچون سەبارەت بەو کەسانەی تاوانەکەیان ئەنجامداوە و سەرەنجام لە دوێنێ شەممە، دوو کەس بەناوەکانی (ب ، س، س) و (ص ، ق ، ک )و کەسێکی دیکە ئەمڕۆ یەکشەممە بەناوی (س ، ک ، ط)  دەستگیرکران."

 

بەگوێرەی راگەیەنراوەکە، "ئەو کەسانە هەستاون بەکوشتنی (ع ، ھ ، ن ) لەسەر ڕێگای ناوشوان، پاشان بردویانە بۆ نزیک مەیدانی ئاژەڵان لەناحیەی شۆڕش لەناو سەیارەکەی خۆیدا بەکوژراوی فڕێیان داوە."

 

ئەوەشی خستووەتەڕوو، سەبارەت بە هۆکاری کوشتنەکە، لەسەر  کێشەی کۆمەڵایەتی بووە  و تۆمەتبارەکان لەبنەچەدا دوو کەسیان خەڵکی پارێزگای بابلن و یەکێکیشیان خەڵکی پارێزگای دیالەیە و بەڕەگەز عەرەبن و دانیشتووی قەزای چەمچەماڵن.

 

ئاماژەی بەوەشکردووە، بەبڕیاری دادوەری دادگای لێکۆڵینەوەی چەمچەماڵ بەپێی ماددەی (٤۰٥) لەیاسایی سزادانی عێراقی ڕاگیراون و پەڕاوی لێکۆڵینەوەیان بۆ کراوەتەوە .