گه‌ڕان

Shadow Shadow
سیاسه‌تی

بزانە چی کردووە؟

پۆلیسی هەولێر: ئەو کەسەی لە تۆڕە كۆمەڵایەتییەكان فێڵی لە خەڵك دەكرد دەستگیر كرا

2021.02.07 - 14:07
App store icon Play store icon Play store icon
پۆلیسی هەولێر: ئەو کەسەی لە تۆڕە كۆمەڵایەتییەكان فێڵی لە خەڵك دەكرد دەستگیر كرا

ناس کورد-

پۆلیسی هەولێر ڕایگەیاند، ئەو تۆمەتبارەی لە رێگەی تۆڕە كۆمەڵایەتییەكانەوە فێڵی لە خەڵك دەكرد، دەستگیر كرا کە لە تۆڕەکۆمەڵایەتییەکان کەلوپەلی لە خەڵک کڕیوە و پارەی ساختەی پێداون.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی پۆلیسی هەولێر (یەکشەممە 7ی شوباتی 2021) ڕایگەیاند، پاش ئاگاداركردنەوەیان لە چەند حاڵەتێكی فرۆشتنی ئامێرە ئەلیكترۆنییەكان لە رێگای تۆڕە كۆمەڵایەتییەكان و پێدانی پارەی ساختە بە فرۆشیاران، دەستیان بە بەدواداچوونێكی ورد كرد و دوای كۆكردنەوەی زانیاری، تۆمەتبارێكیان بە ناوی (ا.ط.م) بە تۆمەتی ئەنجامدانی فێڵ و ساختەكاری دەستگیر كرد.

 

ئاماژەی بەوەشکردووە، تۆمەتباری ئاماژەپێكراو، كە نۆ پەڕاوی لێكۆڵینەوەی هەبوو، دانی نا بە تاوانەكەیدا، كە لە رێگەی تۆڕە كۆمەڵایەتییەكانەوە هەڵساوە بە كڕینی كامێرای چاودێری و ئایپاد و لاپتۆپ و مۆبایلی گرانبەها و چەندین كەلوپەلی دیكە، بۆیە بە بڕیاری دادوەر و بەپێی ماددە (281) لە یاسای سزادان، بەندكرا و لێكۆڵینەوەش لەگەڵیدا درێژەی هەیە.