گه‌ڕان

Shadow Shadow
سیاسه‌تی

وێنە و وردەکاری

هاوسەرەکەى زینە وردەکاری خنکاندنی ناوبراو ئاشکرا دەکات

2021.02.07 - 11:51
App store icon Play store icon Play store icon
هاوسەرەکەى زینە وردەکاری خنکاندنی ناوبراو ئاشکرا دەکات

ناس کورد-

هاوسەری کچە مۆدێل و نمایشکاریی لوبنانی زینە کینجو بۆ یەکەمجار وردەکاریی کوشتنی زینە ئاشکرا دەکات و جەخت دەکاتەوە کە "ئەو بەهیچ شێوەیەک بیری لە کوشتنی نەکردووەتەوە و ئێستاش زۆر بەداخە بۆی."

کەناڵی ناس کورد لە تێلیگرام جۆین بکە   

 

لە میانەی چاوپێکەوتنێکیدا لەگەڵ تەلەفزیۆنی MTVی لوبنانی کە "ناس کورد" بەدواداچوونی بۆ کردووە، ئیبراهیم غەزال وردەکاریی ئەو شەوە دەگێڕێتەوە کە خۆی و هاوسەرەکەی لە ماڵەکەیاندا بوون لە بەیروت و ڕووداوەکە ڕوویداوە، ئەو دەڵێت "دەمەقاڵێ لەنێوانیاندا دروست بووە و دواتر پەرەی سەندووە کە ئەوەش وایکردووە دەست لەسەردەمی دابنێم بۆ ئەوەی هاوارنەکات و زیاتر دەنگی بەرز نەکاتەوە".

 

کەناڵی ناس کورد لە تێلیگرام جۆین بکە

 

ئیبراهیم غەزال ئاماژەی بەوەشکردووە، ئەو کاتێک دەستی لەسەر دەمی داناوە نەیویستووە بیخنکێنێت، بەڵکو ویستوویەتی زیاتر دەنگی بەرزنەکاتەوە و هاوار نەکات، چونکە زینەی هاوسەری زۆرجار ئەوکارەی کردووە".


هاوسەری زینە ئەوەشی خستووەتەڕوو، "دوای ئەوەی دەستی خستووەتە سەر دەمی دڵی زینە لە لێدان وەستاوە، بۆیە هەوڵی داوە ڕزگاری بکات بۆ ئەو مەبەستەش هەڵیگرتووە و خستوویەتی سەرجێگاکەی تا ڕزگاری بدات، بەڵام دواتر جەستەی ساردبووەتەوە و دڵی وەستاوە".


غەزال ئەوەشی وتووە، "من پاساو ناهێنمەوە و بەهیچ شێوەیەکیش ناڵێم کە بێتاوانم، من نەمویستووە هاوژینەکەم بکوژم و بۆ گەواهی ئەو ڕاستیەش هیچ شوێنەوارێکی لێدان و ئەشکەنجەدان بە جەستەیەوە نییە".


ئیبراهیم جەخت دەکاتەوە کە "زێرەکانی زینەی نەدزیوە وەک ئەوەی لەلایەن خێزانەکەی زینەوە تۆمەتبارکراوە، زینە لە ماڵەکەی خۆیدا ژیانێکی شایستە دەژیا و دوو خزمەتکاریشی هەبوو بۆ جێبەجێکردنی داواکانی، کەس ژنەکەی خۆی نەکوژێ".


دەشڵێت، لە ڕۆژی شەممەوە لە تورکیا بەبێ نان و خواردنەوە دەژی و جگە لە پارێزەرەکەی خۆی قسە لەگەڵ هیچ کەسێکی دیکەدا نەکردووە، ئەو ژنەکەی خۆی زۆر خۆش ویستووە، کەس ناتوانێت هاوژینی خۆی بەمەبەست بکوژێت.


جەختی لەوەشکردووەتەوە کە ڕۆژی دووشەممەی داهاتوو دەگەڕێتەوە لوبنان دوای تەواوکردنی کارەکانی لە تورکیا.

 

لەئێستادا داواكارى گشتیی لوبنان تۆمەتى كوشتنى ئاڕاستەى هاوسەرەكەى كردووە میدیاکانی لوبنان لە زاری پارێزەرى خێزانەکەى زينە ڕايگەياند، داواكارى گشتیی پێداچوونەوەى بەيروت "ئيبراهيم غەزال"ی هاوسەرى زینەی بانگهێشت كردوە و بەپێى مادەى 549 لە ياساى سزادان تايبەت بە كوشتنى بە ئەنقەست تۆمەتى داوەتە پاڵ، سزاى ماددەكەش لەسێدارەدانە.  

 

  

کەناڵی ناس کورد لە تێلیگرام جۆین بکە  

  

میدیاکانی لوبنان لە زاری پارێزەرى خێزانەکەى زينە ڕايگەياندووە، داواكارى گشتیی پێداچوونەوەى بەيروت "ئيبراهيم غەزال"ی هاوسەرى زینەی بانگهێشت كردوە و بەپێى مادەى 549 لە ياساى سزادان تايبەت بە كوشتنى بە ئەنقەست تۆمەتى داوەتە پاڵ، سزاى ماددەكەش لەسێدارەدانە.  

  

لاى خۆيەوە هاوڕێيەكى زينە ئەوەى ئاشكراكردوە کە مێردی زينە لە دەرەوەى وڵات بووە و ئەويش ئەو هەلەی قۆستووەتەوە و داواى جيابوونەوەى پێشكەشى دادگا كردوە بە تۆمەتى توندوتيژى خێزانى، هەروەها ئيبراهيم دەستى بەسەر ئۆتۆمبێلەكەى زينەدا گرتووە و بەشێوەيەكى ناياسايى فرۆشتويەتى.  

  

ئەو هاوڕێيەى زينە ئەوەشى ڕوونكردوەتەوە، زينە سوربووە لەسەر جيابوونەوە و جيابوونەوەشى هەندێك كاتى ويستووە، ئەوەش بەهۆى بارودۆخى لوبنان و ڕێوشوێنە ئاڵۆزەکان بۆ ڕێگەگرتن لە بڵاوبونەوەى كۆرۆنا، لە هەمان كاتدا هەستى بە ترس كردووە لە كاردانەوەى هاوسەرەكەى دواى ئەوەى دەزانێت كە داواكارى جيابوونەوەى پێشكەش كردوە.  

  

ئەو هاورێيەى قوربانيەكەى دەشڵێت، زينە چوەتە ماڵى ئەوان و چەند ڕۆژێك لەگەڵ ئەودا ژياوە پێش ئەوەى بكوژرێت، "ڕۆژى پێنجشەممە ناچار بووم گەشت بكەم و خۆم گەياندمە ماڵەوەيان، دواتر نيوەڕۆكەى پەيوەندى پێوەكردوم و وتويەتى كە هاوسەرەكەى گەڕاوەتەوە و لە هەموو هەڵسوكەوتەكانى پەشيمانە بەڵام دەيەوێت ڕازى بكات كە بە يەكەوە بچنە توركيا بژين، هەموو ئەوەشى كە باس دەكرێت لەگەڵ پياوێكى تردا گيراوە ڕاست نييە."  

  

ئەوەش ئاشكرا دەكات، هاوسەرەكەى زينە فێڵى لێكردوە و سەرەتا واى تێگەياندووە كە پياوێكى خاوەن کارە و لە بولگاريا دەژى و هاوسەرگيرى يەكەميشى شاردوەتەوە، بۆ ماوەى شەش مانگ هەرچى پارە و ئاڵتونى زينە هەبووە بردويەتى و زينەش پێى داوە.  

  

لەئێستادا ئيبراهيم غەزال لە توركيایە و چەند كەسێكى لوبنانيش لەو وڵاتە ئامادەييان پيشانداوە كە سكاڵاى ياسايى لەسەر تۆمار بكەن لەناو توركيادا.  

  

ئیبراهیم بە بەردەوامی وێنەی خۆی و زینە لە ئینستاگرامەکەى بڵاودەکاتەوە و دەڵێت، ئێستاش زۆر خۆشی دەوێت و زۆری بیر دەکات، لە کۆمێنتیشدا خەڵکی بۆی دەنوسن "کەواتە بۆ کوشتت؟!"  

  

هاوسەرەكەى زينە دواى ئەنجامدانى تاوانەكەى ڕاستەوخۆ لە ڕێگەى فڕۆكەخانەى نێودەوڵيەتى ڕەفيق حەريريەوە چووەتە توركيا و دواى گەيشتنيشى هاوڕێيەكى ئاگاداركردووەتەوە كە تەلەفۆن بۆ پۆليس بكات و لە ڕوداوەكە ئاگاداريان بكاتەوە.  

  

me_ga.php?id=2440me_ga.php?id=2441me_ga.php?id=2443me_ga.php?id=2442