گه‌ڕان

Shadow Shadow
سیاسه‌تی

وردەکاری

حوزەیرانی داهاتوو پڕۆژەی نەهێشتنی بندیواریی و دوو موچەیی جێبەجێ دەکرێت

2021.02.07 - 09:14
App store icon Play store icon Play store icon
حوزەیرانی داهاتوو پڕۆژەی نەهێشتنی بندیواریی و دوو موچەیی جێبەجێ دەکرێت

ناس کورد-
بڕیارە وەزارەتی پلاندانانی عێراق لە مانگی حوزیرانی داهاتوودا دامەزراندنی بانکی فەرمانبەران بخاتە بواری جێبەجێکردنەوە و وتەبێژی وەزارەتەکەش دەڵیت، پڕۆژەکە کۆتایی بە دیاردەی بندیواریی و وەرگرتنی زیاتر لە موچەیەک دەهێنێت.

کەناڵی ناس کورد لە تێلیگرام جۆین بکە   

 

عەبدولزەهرە هینداوی، وتەبێژی وەزارەتەکە لێدوانێکيدا بۆ ڕۆژنامەی "سەباح"ی فەرمی (7ی شوباتی 2021) کە "ناس کورد" بە دواداچوونی بۆ کردووە دەڵێت، "وەزارەتی پلاندانان بە هاوکاری دامەزراوەکانی دیکەی حکومەت بەردەوامە لە هەنگاوەکانی بۆ دامەزراندنی بانکی فەرمانبەران، بریارە ئەو پڕۆژەیەش لە مانگی حوزیرانی داهاتوودا بچێتە بواری جێبەجێکردنەوە".  

 

کەناڵی ناس کورد لە تێلیگرام جۆین بکە

 

ئاماژەی بەوەشکردووە، "حکومەت دەیەوێت لەڕێگەی ئەو بانکەوە داتای ڕاستەقینەی هەموو فەرمانبەران بزانێت و بە شێوەیەکی بایۆمەتری تۆماردەکرێن، ئەوەش گرنگە بۆ کۆتایهێنان بە دیاردەی زیاتر لە موچەیەک و دیاردەی بندیواری".

 

وتەبێژەکەی وەزارەتی پلاندانان ئەوەشی خستووەتەوەڕوو، "تائێستا زیاترلە دوو ملیۆن فەرمانبەر بە شێوەی بایۆمەتری تۆمارکراون، ئەوەش لەڕێگەی تیمە گەڕۆکەکانی وەزارەتەکەوە".

 

هینداوی باسی لەوەشکردووە، "پڕۆژەی بە بایۆمەتریکردنی فەرمانبەرانی عێراقی گرنگییەکی زۆری هەیە، چونکە لەڕێگەیەوە تەواوی زانیارییەکان و داتاکانی تایبەت بە فەرمانبەران دەستبەر دەرکرێت، هەموو وەزارەتەکان و دامەزراوەکان هەماهەنگی تەواو دەکەن لەوباریەوە".

 

لێدوانەکانی هینداوی لە کاتێکدایە کە عەلی عەلاوی، وەزیری دارایی عێراق پێشتر ڕایگەیاند، "زیاتر لە 10%ی فەرمانبەرانی کەرتی گشتی بندیوارن و زیاترلە موچەیەک وەردەگرن، ژمارەیان لە دامەزراوە حکومییەکاندا بە نزیکەی 300 هەزار کەس مەزندە دەکرێت، لەئێستادا تەنها لە 40%ی فەرمانبەرانی عێراق موچەکانیان بە نیشتیمانی کراوە".