گه‌ڕان

Shadow Shadow
سیاسه‌تی

هۆکارەکەى بزانە

ڕوسیا بەهۆى سێ دیبلۆماتکاری ئەوروپی دەرکرد

2021.02.05 - 20:11
App store icon Play store icon Play store icon
ڕوسیا بەهۆى سێ دیبلۆماتکاری ئەوروپی دەرکرد

ناس کورد-

بەهۆى بەشداريكردنيان لە "خۆپيشاندانى ڕێگەپێنەدراو" کە لەلایەن لایەنگرانی ئەلێکسی ناڤالنی، سەرکردەی ئۆپۆزسیۆنی ڕوسيا بەڕێوەچوو، بەرپرسانی مۆسکۆ سێ دیبلۆماتکاری ئەڵمانى، پۆڵەندى و سويدى لە وڵاتەكەى دەرکرد.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە  

 

وەزارەتى دەرەوەى ڕوسيا لە ڕاگەیەنراوێکدا کە "ناس کورد" بەدواداچوونی بۆ کردووە (5ى شوباتى 2021) بڵاويكردوەتەوە، باڵيۆزى سويد و هەڵسوڕێنەرى كارەكانى كۆمارى پۆڵەندا و نێردەى باڵيۆزى كۆمارى ئەڵمانى فيدراڵى بانگهێشت كردووە و ناڕەزايى خۆى پێڕاگەياندوون.

 

ڕونيشكراوەتەوە، ئەوەش بەهۆى بەشداريكردنى دوو كارمەندى قونسوڵگەرى سويد و پۆڵەندا لە سانبترسبێرگ و كارمەندێكى باڵيۆزخانەى ئەڵمانيا لە مۆسكۆ لە "خۆپيشاندانى نایاسایی لە ڕۆژى 23ى کانونی دووەمى 2021دا.

 

ڕونيشكراوەتەوە، "ئەو جۆرە هەڵسوكەوتانەيان قبوڵنەكراوە و لەگەڵ پيشە دبلۆماسيەكەياندا ناگونجێت، ئەو دیبلۆماتکارانەش بەشدارييان لە خۆپيشاندانە نایاساییەکاندا كردوە پێيان ڕاگەيەنراوە كە پێويستە بە زووترين كات خاكى ڕوسيا جێبهێڵن،" ئەوەش بەپێى ڕێککەوتنی ڤييەنا بۆ پەيوەنديە دیبلۆماسییەکان كە لە 18ى 4ى 1961دا واژۆ كراوە.

 

وەزارەتى دەرەوەى ڕوسيا جەختي لەوەشكردوەتەوە کە پێشبينى دەكات نێردە دبلۆماسيەكانى پۆڵەندا و سويد و ئەڵمانيا بەشێوەيەكى توند پابەندبن بە ياسا نێودەوڵەتيەكانەوە.