گه‌ڕان

Shadow Shadow
سیاسه‌تی

هەڵخەڵەتاندن

توندوتیژى هەولێر زانیارى لەسەر کەیسەکەى بەیۆ ئاشکرادەکات

2021.02.05 - 17:16
App store icon Play store icon Play store icon
توندوتیژى هەولێر زانیارى لەسەر کەیسەکەى  بەیۆ  ئاشکرادەکات

ناس کورد-
بەڕێوەبەری بەرێوەبەرایەتى بەرەنگاربوونەوەى توندوتیژی دژى ژنان لە هەولێر ڕایگەیاند، بەیان غەریب (بەیۆ) لەسەر سکاڵاى هاوڵاتییەک دەستگیرکراوە کە تۆمەتباریکردووە بە "هەڵخەڵەتاندنى" خێزانەکەى.

کەناڵی ناس کورد لە تێلیگرام جۆین بکە   

 

دوێنێ پێنجشەممە بەیان غەریب (بەیۆ) ئەو ژنەى بە بڵاوکردنەوەى وێنە و ڤیدیۆکانى لە تۆڕە کۆمەڵایەتییەکان زیاتر ناسرا لەلایەن پۆلیسەوە لەهەولێر دەستگیرکرا.

 

کەناڵی ناس کورد لە تێلیگرام جۆین بکە  

 

فەرمان محەمەد، بەڕێوەبەری بەڕێوەبەرایەتی بەرەنگاربوونەوەى توندوتیژی ژنان لە هەولێر لە لێدوانێکی تایبەت بۆ "ناس کورد" (5ی شوباتی 2021) وتی، "دوێنێ بەهۆی تۆمارکردنی زیاتر لە سکاڵایەک لەلایەن هاووڵاتیان و بە تۆمەتی هەڵخەڵاتاندنی چەند ئافرەتێک بەیان غەریب دەستگیرکراوەو دەستگیرکردنەکەشی لەسەر بڕیاری دادوەری لێکۆڵینەوە بووە".

 

باسی لەوەشکرد، ئەو ژنە لە ئێستادا ڕاگیراوە بە پێی مادەی 240ی یاسای سزادانی عێراقی و لێکۆڵینەوە لەگەڵیدا دەستی پێکردووە.


سەبارەت بەوەی پێشتر لە تۆڕە کۆمەڵایەتییەکان چەند گرتە ڤیدیۆ و وێنەیەکی هەبووە، ئایا ئەوانە دەبنە بەڵگە لەسەری و لەسەر ئەوانە سزادەدرێت، فەرمان محەمەد باسى لەوەکرد، "ڤیدیۆو وێنەکانی هۆکاری دەستگیرکردنەکەی نەبوون و لە ئێستادا ڕاگیراوەو لێکۆڵینەوەی لەگەڵ دەکرێت".

 

ئاماژەى بەوەشکرد، دەستگیرکردنەکەی یەکەمجار لەسەر سکاڵای هاووڵاتییەک بووە کە خێزانەکەی "هەڵخەڵەتاندووە" لە ئێستادا چەند هاوڵاتییەکی تر سکاڵایان هەیە لەسەری.