گه‌ڕان

Shadow Shadow
سیاسه‌تی

وردەکاریى

ڕونکردنەوەى دارایى پەرلەمان لەبارەى بەخشینى پەرلەمانتاران لە باجى داهات

2021.02.04 - 10:11
App store icon Play store icon Play store icon
ڕونکردنەوەى دارایى پەرلەمان لەبارەى بەخشینى پەرلەمانتاران لە باجى داهات

ناس کورد- 

لەسەر بڵاوبونەوەى بەخشینى پەرلەمانتاران لەباجى داهات، لیژنەى دارایى لەپەرلەمانى عێراق هاتە دەنگ و ڕایگەیاند، ئەو دەنگۆیانە ڕاست نین و تەنها ئەوانە لەباج دەبەخشرێن کە داهاتیان سنوردارە.

 

کەناڵی ناس کورد لە تێلیگرام جۆین بکە   

جەمال کۆچەر، ئەندامى لیژنەى دارایى لەپەرلەمان عێراق (4ى شوباتى 2021)لەلێدوانێکى بۆ ڕۆژنامەى سەباحى فەرمى کە "ناس کورد" بەدواداچوونى بۆ کردووە ڕایگەیاند، ئەوەى کە بڵاوکراوەتەوە گوایە پەرلەمانتارەکان لەباجى داهات دەبەخشرێن ئەوە ڕاست نیە چونکە باج بەسەر هەموو ئەوانەدا دەسەپێنرێت کە موچە لەحکومەت یاخود پەرلەمان وەردەگرن بەسەرۆکى کۆمار و سەرۆک وەزیرانیشەوە.

 

ئاماژەى بۆ ئەوەش کرد، تەنها چەند چینێک لە پێدانى باج دەبەخشرێن بەتایبەت ئەوانەى کە داهاتى مانگانەیان سنوردارە.

 

کۆچەر باسى لەوەش کرد، هیچ مادەیەک بەبێ دەنگدان لەلیژنەکەیاندا تێپەڕنابێت و گەر لیژنەى دارایش نەبێت ئەوا وڵات لەڕووى ئابوورییەوە دادەڕوخێت و لیژنەکەیان هەوڵیشى داوە زیانەکانەى گۆڕانکارى لەنرخى دۆلاردا بۆ سەر فەرمانبەران و سەرجەم خەڵکى کەمبکاتەوە.

 

 

لەبارەى گفتوگانیش لەسەر بودجە، ئەو ئەندامەى لیژنەى دارایى باسى لەوەش کرد، لیژنەکەیان بەردەوام لەکۆبونەوەکانى لەسەر بودجە بەڵام هێشتا کاتێک بۆ دەنگدان لەسەرى دیارینەکراوە ئەوەش بەهۆى ڕێکنەکەوتن لەسەر ئەو بڕگەیەى کە تایبەتە بەپشکى هەرێم.