گه‌ڕان

Shadow Shadow
سیاسه‌تی

وردەکاریى

لێدوانى تەندروستى عێراق لەبارەى بوونى نەوە گۆڕاوەکەى کۆرۆنا لەعێراق

2021.02.03 - 23:18
App store icon Play store icon Play store icon
لێدوانى تەندروستى عێراق لەبارەى بوونى نەوە گۆڕاوەکەى کۆرۆنا لەعێراق

ناس کورد- 

بەڕێوەبەرى فەرمانگەى تەندروستى گشتى لە وەزارەتى تەندروستى عێراق ڕایگەیاند، لەوانەیە نەوەى نوێى ڤایرۆسى کۆرۆنا لەعێراقدا هەبێت و چەند سمپڵێکمان بۆ پشکنین ناردوە بۆ زانینى ئەوەى نەوە نوێکەیە یاخود نا.

 

کەناڵی ناس کورد لە تێلیگرام جۆین بکە   

ڕیاز عەبدولئەمیر، بەڕێوەبەرى فەرمانگەى تەندروستى گشتى لە وەزارەتى تەندروستى (3ى کانونى دووەمى 2021) لە گفتوگۆیەکى تەلەفزیۆنیدا کە "ناس کورد" بینیوویەتى ئاماژەى بەوە کرد، پێشبینى دەکرێت کە ژمارەى توشبووان بە پەتاى کۆرۆنا لە عێراق بەرز ببێتەوە.

 

ڕونیشیکردەوە، هەروەها گومانى ئەوە هەیە نەوە گۆڕاوەکەى کۆرۆنا لە عێراقدا هەبێت، پشکنینە گومانلێکراوەکانمان ناردوە تاقیگەى ناوەندى بۆ زانینى ئەوەى نەوە گۆڕاوەکەیە یاخودنا.

 

ئەو بەڕێوەبەرە گشتییە هێماى بۆ ئەوەشکرد، لە ئێستادا لە ئامادەکاریداین بۆ وەرگرتنى ئەو ئامێرانەى پشکنینى نەوە گۆڕاوەکەى کۆرۆنا دەکەن، مانگێگ بۆ دوو مانگمان پێویستە بۆ دابینکردنى ئامێرى پێویست بۆ پشکنینى نەوە گۆڕاوەکە.

 

پێشتریش حەسەن تەمیمى، وەزیرى تەندروستى عێراق ئاماژەى بە هەڵکشانى توشبوون بە پەتاى کۆرۆنا کردبوو و جەختیلەوەشکردبوەوە، قەدەغەى هاتووچۆ لەلایەن ئەوانەوە پێشنیازکراوە و بەوردى چاودێرى دۆخى کۆرۆنا دەکەن و داواشى لە هاووڵاتیان کردبوو، پابەندى ڕێنمایى و رێکارە تەندروستییەکان بن بۆ ڕێگرتن لە بڵاوبوونەوەى ڤایرۆسەکە.