گه‌ڕان

Shadow Shadow
سیاسه‌تی

بزانە بۆچی؟

شۆفێرێک لە ترسی مەفرەزەی هاتووچۆ لە هەولێر ئۆتۆمبێلەکەی جێهێشت و هەڵهات

2021.02.02 - 20:39
App store icon Play store icon Play store icon
شۆفێرێک لە ترسی مەفرەزەی هاتووچۆ لە هەولێر ئۆتۆمبێلەکەی جێهێشت و هەڵهات

ناس کورد-

بەرێوەبەرایەتی هاتووچۆی هەولێر ڕایگەیاند، ئێوارەی ئەمڕۆ لەسەر شەقامی 100 مەتری، شۆفێرێک لەترسی بازگەی هاتووچۆ ئۆتۆمبێلەکەی جێهێشتووە و دواتر دەرکەوتووە، تابلۆی ئۆتۆمبێلێکی دیکە کراوە بە ئۆتۆمبێلەکەوە و خاوەنی تابلۆکەش ئاگادار نەبووە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی هاتووچۆی هەولێر (سێشەممە 2ی شوباتی 2021) ڕایگەیاند، "ئێوارەی ئەمڕۆ سێشەممە لەسەر شەقامی 100 مەتری لەنزیک مەفرەزەیەیەکی هاتووچۆ ئوتومبێلێکی جۆری    BMW بەجێهێلرابوو لەلایەن خاوەنەکەی لەترسی مەفرەزەکەوە."

 

کەناڵی ناس کورد لە تێلیگرام جۆین بکە

 

ئاماژەی بەوەشکردووە، "گومانکرا لەشێوازی جێهێشتنەکە و کە بەئامێری کۆمپیوتەری دەست سەیری زانیاری ئوتومبیلەکە کرا دەرکەوت کە ژمارەکەی سەری کە 78109-ە تابلۆی ئوتومبێلێکی جۆری کیا ئۆپتیمایە و لەسەیرکردنی ژمارەی لاشەی   ئۆتۆمبێلەکەش دەرکەوت کەتابلۆی خۆی 87209یە."

 

 

ئەوەش هاتووە، بۆیە ئوتومبێلەکە برایە گەراجی دەستبەسەرداگرتنی هاتووچۆی هەولێر بۆ رێکاری یاسایی کە بەم شێوەی خوارەوەیە:

 

1- سزای یەک ملیۆن دینار.

 

2- دەست بەسەرداگرتن بۆماوەی 10رۆژ وبەرەو سەرەوە.

 

3- لێسەندنی سەرجەم سزای تۆمارکراو بەو تابلۆیە کە هی کیایە.

 

4- لێسەندنی سەرجەم سزای تۆمارکراو بەتابلۆی ئەسلی خۆی.

 

5- ئاگادارکردنەوەی خاوەنی کیا ئۆپتیما بۆتۆمارکردنی سکالا لەسەر خاوەنی bmwچونکە ئەوزەرەرمەند بووە.

 

هاتووچۆی هەولێر ئاماژەی بەوەشکردووە، " هەموو لایەک ئاگاداردەکەینەوە کەسەرپێچی دەستکاری تابلۆ نەکەن، چونکە سزاکەی قورسە و ئەو کەسانەی کەبەنیازن بنوسن ئێوە هەر بۆ کوری فەقیر ئازا، خاوەنی کیا ئۆپتیماش کەبێ ئاگابووەو بەردەوام سزادراوە لەسەر سەرپێچی ئەو کورە هەژارە و مەسئول نیە و کوری ملیۆنێر و کچە مۆدێل نیە، بەلکو لەوانەیە کوری کەسێکی ئاسایی ئەو شارە بێت."