گه‌ڕان

Shadow Shadow
سیاسه‌تی

’’ئەو نەعلەتیە ڕادەست بکەن’’

فراکسیۆنى یەکێتى هۆشدارى لە ’’قومارى دووەم’’ دەدات لەبارەى نەوت و بودجە

2021.02.01 - 21:26
App store icon Play store icon Play store icon
فراکسیۆنى یەکێتى هۆشدارى لە ’’قومارى دووەم’’ دەدات لەبارەى نەوت و بودجە

ناس کورد-
وتەبێژى فراکسیۆنى یەکێتى لە پەرلەمانى عێراق داواى ڕادەستکردنى نەوتى هەرێم بە بەغدا دەکات و دەڵێت، "ڕێکبکەون و ڕادەستی بکەن، قوماری ڕیفراندۆمی دووەم مەکەن".

کەناڵی ناس کورد لە تێلیگرام جۆین بکە   

 

بەختیار شاوەیس لە لاپەڕەى خۆى لە فەیسبوک (1ی شوباتی 2021) کە "ناس کورد" بینیویەتى نوسیویەتى "ئەو نەوتە نەعلەتیە ڕادەست بکەن، با وەکو ریفراندۆمەکە پەشیمان نەبنەوە و دواتر نەڵێن خۆ ئێمە ڕیفراندۆمەکەمان بۆ جیابوونەوە نەکردووە".

 

کەناڵی ناس کورد لە تێلیگرام جۆین بکە

 

ئاماژەى بەوەشکردووە "ئەمرۆ پێشتر لە سبەی ڕێکبکەون و نەوتەکە ڕادەست بکەن، ئەی نازانن لەگەڵ هەر مراوەغەیەکی ئێوەدا، ئەوانیش فشارەکان زیاتر دەکەن".



"ئەو مەلەفە شکستخواردووەی نەوت بدەنەوە بەغدا کە جگە لە نەهامەتی و بێموچەیی و برسیەتی هیچی تری بۆ خەڵکی کوردستان پێ نەبووە، تێپەرینی کات لە بەرژەوەندیتان نییە، سات دوای سات لەدەنگدانی یاسای بودجە نزیک دەبینەوە"، بەختیار شاوەیس وادەڵێت.

قسەکانى بەختیار شاوەیس لەکاتێکدایە، ماوەى دوو رۆژ شاندى هەرێم گەڕاوەتەوە بەغدا تا لیژنەى دارایی پەرلەمانى عێراق گۆڕانکاریی نەکات لە پشکى هەرێم لە بودجە کە بە 12.67% دیاریکراوە.



ئەمڕۆش شاندی باڵای حکومەتی هەرێم بە سەرۆکایەتی قوباد تاڵەبانی، جێگری سە‌رۆكی ئە‌نجومە‌نی وە‌زیران لەگەڵ محەمەد حە‌لبوسی، سەرۆکی ئەنجومەنی نوێنەرانی عێراق کۆبوویەوە و پێکەوە تاوتوێی پڕۆژە یاسای بودجەی 2021 و ڕێڕە‌وی دانوستانەکانی هەولێر و بەغدایان کرد.

بەپێی ڕاگەیەنراوی نوسینگەی قوباد تاڵەبانی کە کۆپییەکی بۆ "ناس کورد" نێردراوە، لە کۆبوونەوەکەدا کە سەرلەئێوارەی ئەمڕۆ (1ی شوباتی 2021) بەڕێوەچوو، "هەردوولا هاوڕابوون لەسەر ئەوەی پێویستە پڕۆژە یاسای بودجەی 2021 بە شێوەیەک پەسەند بکرێت کە لە بەرژەوەندی هەموو پێکهاتەکانی عێراقدابێت."

دەشڵێت، "لە کۆبوونەوەکەدا باسی چۆنیەتی بەرەوپێشبردنی دانووستانەکانی نێوان هەولێر و بەغدا کرا، هەردوولاش جەختیان لە درێژەدان بە دانووستانەکان کردەوە تا ئەو کاتەی هەموو کێشە هەڵپەسێردراوەکان چارەسەر دەبن."