گه‌ڕان

Shadow Shadow
سیاسه‌تی

وردەکاریى

زانكۆی موسڵ بەرگری لە نامەی ’مەسیحیەتی زایۆنی ئەمەریكی’ دەكات

2021.01.31 - 22:41
App store icon Play store icon Play store icon
زانكۆی موسڵ بەرگری لە نامەی ’مەسیحیەتی زایۆنی ئەمەریكی’ دەكات

ناس كورد-

زانكۆی موسڵ رایگەیاند، هیچ كات درێغی نەكردووە لە بەرگریكردن لە پێكەوەژیان و هەماهەنگی برایانە، ئەمەش لەوەڵامی هەڵایەك كە بەهۆی گفتوگۆی ماستەرنامەیەكەوە دروست بووە لەبارەی "ڕۆڵی مەسیحییەتی زایۆنی ئەمەریكی لە داگیركردنی عێراق".

 

کەناڵی ناس کورد لە تێلیگرام جۆین بکە   

زانكۆكە لەبەیاننامەیەكدا ئەمڕۆ (31 كانونی دووەمی 2021) كە "ناس كورد" بەدواداچوونی بۆ كردووە جەخت لەوە دەكاتەوە ناونیشانی ئەو نامەیە شیكاری هەڵەی بۆ كراوە و هەواڵی شێواوی لەبارەوە بڵاوكراوەتەوە.

 

سەرۆكایەتی زانكۆكە جەخت لەوەش دەكاتەوە مەبەست لەو ماستەرنامەیە بێڕێزی تێدا نییە بۆ هیچ ئاینێك و لاپەڕەكانیشی كراوەن بۆ هەركەس ئەیەوێت ڕاستی بزانێت یان بەدوای شتی جدییەوە بێت.

 

لە كۆتاییشدا بەیاننامەكە جەخت لەوە دەكاتەوە زانكۆی موسڵ هەر بەدەروازەی ئاشتی دەمێنێتەوە كە كار بۆ پێكەوەیی و كاری هاوبەش دەكات لەنێوان ڕۆڵەكانی یەك وڵات.

چەند رۆژێك بەر لەئێستا سەركردەی مەسیحی لەناو حەشدی شەعبی، ڕەیان كلدانی سەرۆكی بزوتنەوەی بابلیون لە بەیاننامەیەكدا سەركۆنەی ناونیشانی ماستەرنامەكەی كرد و بەلێدانی پێكهاتەی مەسیحی لە قەڵەمدا.

 

لەپاش ناڕەزایەتی دەربرینی نوێنەرانی مەسیحی لە پەرلەمانی عێراق، سەرۆكی لیژنەی پەروەردە و خوێندن لەپەرلەمان داوایكرد پەسەندكردنی نامەكە رابگیرێت و لێكۆڵینەوە لەبارەی ناوەڕۆكەكەیەوە بكرێت.