گه‌ڕان

Shadow Shadow
چیرۆكه‌كانمان

ئەمریکا کاریگەرى هەبووە

 كەرتی گەشتوگوزاری ئاینی لە عێراق بەرەو داڕوخان دەچێت

2019.05.26 - 22:13
App store icon Play store icon Play store icon
 كەرتی  گەشتوگوزاری ئاینی  لە عێراق بەرەو داڕوخان دەچێت

کەناڵی ناس کورد لە تێلیگرام جۆین بکە   

ناس کورد– دابەزینی بەهای دراوى ئێرانی تاکە هۆکارى سستبوونى بازاری گەشتوگوزاری ئاینی لە عێراق نییە، بەڵکو سزاکانى ئەمریکا بۆ سەر ئێران کاریگەرییەکەى قوڵتر کردووە، چونکە سەردانیکردنى زیارەتکارانى شیعە بۆ كەربلا و نەجەف تەواو کەمبووەتەوە. . جاسم موسەوی خاوەنی یەكێكە لە میوانخانەكانی شاری نەجەف، سەبارەت بە کەمبوونەوەى جوڵە گەشتیارییەکانى شارى نەجەف، بۆ ناس ئاماژەى بەوەکردووە:" پێش سزاكانی ئەمریكا بۆ سەر ئێران باری ئابووریمان زۆر باش بو، میوانخانەكەم جمەی دەهات بەهۆی هاوڵاتیانی ئێرانییەوە، هیچ ژوورێكی میوانخانەكەم چۆڵ نەدەبوو، زۆر جار بەهۆی گرتنی پێشوختە ژورەكانی میوانخانەكەم لەلایەن كۆمپانیاكانی گەشتوگوزارەوە ناچار دەبووین میوانی ناوخۆیی وەرنەگرین". . ئەو خاوەن ئوتێلە دەشڵێت: "دابەزینی بەهای دراوى ئێرانی و تێکچونى بارودۆخى هاوڵاتیانى ئێرانى ز كەمبوونەوەی توانای داراییان تەنها كاریگەری نەكردوەتە سەر كەرتی  میوانەخانەكان،  بەڵكو هەموو كەرتەكانی بازرگانی لە شارى نەجەف توشی نیمچە داڕوخانێک بوونە". . بە پێی زانیاریەكانی ناس پارێزگای كەربلاش هەمان بارودۆخى نەجەفى هەیە، زۆربەی  فرۆشیاران ناتوانن كاڵاكانیان ساغ بكەنەوە، چونكە نرخی زۆربەی كاڵاكان لە توانای كڕینی زیارەتكارانی ئێرانیدا نییە. . .