گه‌ڕان

Shadow Shadow
سیاسه‌تی

موسڵمانانی کەتەلۆنیا

بەهۆی تویتێکی دژبە موسڵمانان تویتەر هەژماری پارتێکی ئیسپانیی ڕاگرت

2021.01.30 - 23:19
App store icon Play store icon Play store icon
بەهۆی تویتێکی دژبە موسڵمانان تویتەر هەژماری پارتێکی ئیسپانیی ڕاگرت

ناس كورد-

ڕۆژنامەیەکی ئیسپانی بڵاویکردەوە، کۆمپانیای تویتەر هەژماری فەرمیی پارتی "ڤۆکس"ی ڕاستڕەوی ئیسپانیای هەڵپەسارد، ئەوەش دوای ئەوەی لە تویتێکدا   هێرشی کردووەتە سەر موسڵمانەکان و سیاسەتی دژە وتاری ڕەقی پێشێلکردووە.

کەناڵی ناس کورد لە تێلیگرام جۆین بکە   

 

بەگوێرەی ڕۆژنامەی "یۆرۆویکلی" ئیسپانی ( 30ی کانوونی دووەمی 2021) کە "ناس کورد" بەدواداچوونی بۆ کردووە، "هەڵپەساردنەکەی تویتەر دوای ئەوە هاتووە کە پارتە ئیسپانییەکە لە تویتێکیدا هۆشداریداوە لە تەشەنەسەندنی ئاینی ئیسلام بەشێوەیەکی  مەترسیدار لەهەرێمی کەتەلۆنیا و لە هەمانکاتیشدا ناڕەزایەتی خۆشی لەزۆربوونی ژمارەی موسڵمانەکان لەو هەرێمەدا دەربڕیوە".

 

ڕۆژنامەکە ئاماژەی بەوەشکردووە، "ئەوان نوێنەرایەتی نزیکەی 0.2% دانیشتووی هەرێمەکە دەکەن، بەڵام موسڵمانەکان بەرپرسن لە 93 ٪ی سکاڵای پۆلیس، ئەوانەشی کە ئاسایشی هەرێمەکەیان شێواندووە ئەو کەسانەن کە لە ناوچەکانی خۆرئاوای عەرەبیەو هاتوون". 

 

ڕوونیشکردووەتەوە، " کۆمپانیای تویتەر، تویتی پارتە ئیسپانییەکەی بەهەڕەشە داناوە دژ بەکۆمەڵە خەڵکانێک، ئەوەش بەهۆی جیاوازی نەتەوەیی و ڕەگەزنامەوە، بۆیە ئەو جۆرە بابەتانە لەپڕۆگرامی کۆمپانیاکەدا جێگای نابێتەوە".

 

ئاماژە بەوەشکراوە، تویتەر داوای لە پارتە ئیسپانییەکە کردووە تویتەکەی بسڕێتەوە بۆ ئەوەی جارێکی دیکە هەژمارەکەی کارابکاتەوە.