گه‌ڕان

Shadow Shadow
سیاسه‌تی

وەزیرێكی كۆمەڵ: پیاوی بەرماڵەكە ژیانی لە مەترسیدایە

2021.01.30 - 19:44
App store icon Play store icon Play store icon
وەزیرێكی كۆمەڵ: پیاوی بەرماڵەكە ژیانی لە مەترسیدایە

ناس كورد_

وەزیری پێشووتری ژینگە لە لیستی كۆمەڵی ئیسلامی دارا محەمەد ئەمین لەبارەی ئەو كەسەی لەمزگەوتەكەی هەولێر بەرماڵی تەكاند و نوێژی هەینی بەجێهێشت رایگەیاند "ئێستا لە ژێرچاودێریە وداهاتوش لەزیندانە، ئەگەر من سەرۆكی وڵاتێك بم مافی پەنابەرێتی پێ ئەدەم چونكە ئەزانم ژیانی لە مەترسدایە".

کەناڵی ناس کورد لە تێلیگرام جۆین بکە   

 

دارا محەمەد ئەمین كە یەكێكە لەسەركردەكانی كۆمەڵ و لە كابینەی پێنجەمی حكومەتی هەرێمدا وەزیری ژینگە بووە، لەبڵاوكراوەیەكدا لە هەژماری تایبەتی خۆی كە "ناس كورد" بەدواداچوونی بۆ كردووە ( 30 كانونی دووەمی 2021) رایگەیاند "هەستان وڕاوەشاندنی ئەو بەرماڵە لەهەولێری پایتەخت لە لابردنی خشتێكی دیواری بەرلین جوامێرانەتر بوو".

هەروەها باسی لەوەكردووە، ئەو نوێژخوێنە ئامادەبو واجبێك جێ بهێڵێت و بەدوای خۆیدا شۆرشێك بەرپا بكات كە دەزانێ مینبەر بۆ "دژایەتی ستەمە و هوشیاری خەڵکە نەک بۆ بەرگری لە گەندەڵكاران" بەپێی دەربڕینی ئەو.

هەروەها دەڵێت "ئەوانەی دیواری بەرلینیان روخاند سزانەدران بەڵام حەتمەن ئەم براردەرە ئێستا لە ژێرچاودێریە وداهاتوش لەزیندانە، ئەگەر من سەرۆكی وڵاتێك بم مافی پەنابەرێتی پێ ئەدەم چونكە ئەزانم ژیانی لە مەترسدایە".

 

پێشنوێژ و وتارخوێنی مزگەوتی ئیسراو میعراج لە گەڕەکی فەرمانبەرانی هەولێر لەدوای هاتنەوە دەرەوە ژمارەیەک کەس لەکاتی وتارەکەی دوێنێ هەینی دەڵێت، "ئەوانەی چوونەتەدەرەوە منداڵ بوون و کارەکەشیان بەرنامە بۆ داڕیژراو بووە".  

  

مامۆستا ڕەعد ئۆمەربلی نوری کە کارگێرو وتەبێژی لقی هەولێری یەکێتی زانایانی ئاینی ئیسلامییە و کاندیدی پارتی بووە بۆ هەڵبژاردنی خولی پێنجەمی پەرلەمانی کوردستان لە لێدوانێکی تایبەتدا بۆ "ناس کورد" (30ی کانونی دووەمی 2021) وتی، "ئەو کەسانەی دوێنێ بەهۆی وتارەکەمەوە چوونە دەرەوە بەرنامە بۆ داڕێژراو بووە و هۆکارەکەشی ئەوەبووە من پێشتر لە تۆڕی کۆمەلایەتی فەیسبووک ڕامگەیاند کە وتاری هەینی تایبەت دەبێت بەو کورتە فیلمەی کە تێیدا سوکایەتی بە هێزی پیشمەرگەو سەرکردایەتی کوردستان کراوە".  

کەناڵی ناس کورد لە تێلیگرام جۆین بکە  

 

زیاتر بخوێنەوە: هەولێر، بەشێک لە نوێژخوێنان وەک ناڕەزایەتییەک وتارى نوێژى هەینى جێدەهێڵن  

زیاتر بخوێنەوە: ئەوقاف لەبارەی چوونەدەرەوەی هاووڵاتیان لە مزگەوتەکەی هەولێر ڕوونکردنەوە دەدات  

  

ڕاشیگەیاند، "من پیشتر ئاگادارکرامەوە لەوەی لە وتارەکە ئەو شتە دەکرێت، چونکە هەندێک لایەن ئاماژەیانداوە بەکەسانی خۆیان لەکاتی وتاردان لەسەر ئەوپرسە بێنە دەرەوە لە مزگەوتەکان، بەڵام من دوای وتارەکە لەلایەن مامۆستایانی ئاینی پشتیوانیم کراوە و پێشم ڕاگەیەندراوە کارەکەم شەرعی بووەو هیچ کیشەیەکی نەبووە".  

  

وتیشی، "ئەوانەی لەکاتی وتاردان چوونەتە دەرەوە کۆمەڵێک منداڵی هەرزەکار بوون و نوێژیان لەسەر فەرز نییە، ئەوانەشی کە نوێژیان لەسەر فەرز بێت و چووبنەدەرەوە لە ڕووی ئاینییەوە تاوانباربوون لەکاتی ڕۆشتنە دەرەوە لە نوێژی هەینی".  

  

ئەوەشی وت، "ئەو کەسانەی چوونەتە دەرەوە نازانم خەڵکی ئەو سنورەن یاخود لە شوێنی دیکەوە هاتوون چونکە من ماوەیەکی کەمە لەو مزگەوتە وتاردەدەم".  

  

سەبارەت بەوەی ئایا دروستە باسی سیاسی بخریتە چوارچێوەی وتاری هەینی، مامۆستا ڕەعد وتی، "وتارەکەی من لەسەر سیاسەت نەبووە، بەڵکو وەڵامدانەوەی سوکایەتیکردن بووە بە هێزی پێشمەرگەو سەرکردایەتی کورد کە ئامانجی مەترسیدارتری لە پشتەوەیە".  

me_ga.php?id=2361