گه‌ڕان

Shadow Shadow
سیاسه‌تی

پەیامێک لە کازمییەوە

کازمى: پێش کاتژمێرى سفر دوو ڕکات نوێژى سوپاسگوزاریم کرد

2021.01.30 - 19:05
App store icon Play store icon Play store icon
کازمى: پێش کاتژمێرى سفر دوو ڕکات نوێژى سوپاسگوزاریم کرد

ناس کورد-

مستەفا کازمى، سەرۆک وەزیرانى عێڕاق دەڵێت، چیتر موزایەدە و بەکارهێنانى هەستى خەڵک بەسە و ئەو باوک و براى هەموو ئەوانەیە کە بێتاوان لەسەر شەقامەکان دەکوژرێن.

کەناڵی ناس کورد لە تێلیگرام جۆین بکە   

 

مستەفا کازمى لە میانەى کۆبوونەوەى لەگەڵ کەسوکارى شەهیدانى مەیدانى تەیەرانى شارى بەغدا (شەممە 30ی کانوونی دووەمی 2021) وتى، "پێیان دەوتم کە پێویستە لە پرسەى شەهیدانى مەیدانى تەیەران بەشدارى بکەیت، وتم من باوک و براى هەموو ئەوانەم بەبێ تاوان لەسەر شەقامەکانى بەغدا دەبنە قوربانى، ئەرکى مرۆیى و ئەخلاقى من بریتییە لە گەڕان بەدواى سزاى دادپەروەرانە."

 

وتیشی، "چەندین مانگە بەشوێن بەناو والى عێراقى داعشەوە بووین، هەموو جارێک کە هەوڵى لەناوبردنیمان دەدا ڕوبەڕوى ئاستەنگى دەبوینەوە، دواى ڕوداوەکەى مەیدانى تەیەران و هێرشکردنە سەر حەشدى شەعبى لە سەڵاحەدین، لەبەردەم عێراقیەکان سوێندم خوارد کە خوێنى بێتاوانان بە فیڕۆ ناچێت، نرخەکەشى سەرکردەیەک نابێت لەملاو ئەولا، بەڵکو سەرى ئەو گروپە تاوانکارییە تەکفیرییە دەبێت."

 

سەرۆک وەزیرانى عێراق ئەوەش ئاشکرا دەکات، "کە کاتى سفر بۆ سزادان هات دوو ڕکات نوێژى سوپاسگوزاریم بۆ خودا کرد، سوپاس بۆ خودا ئەنجامەکەى سەرى ڕێکخراوەکە بوو."

 

کازمى نامەیەک ئاڕاستە دەکات و دەڵێت، "وەک سەرۆکى دەسەڵاتى جێبەجێکردن و فەرماندەى هێزە چەکدارەکانى عێراقى مەزن نامەکەم ئەوەیە، خوێنى عێراقی بەنرخە و هەرکەس لە ڕشتنى خوێنیان تێوەگلابێت سزاى دادپەروەرانە دەدرێت، ئەوەش تەنها شەهیدانى مەیدانى تەیەران و سەڵاحەدین ناگرێتەوە، بەڵکو هەموو شەهیدان دەگرێتەوە لەناویشیاندا شەهیدانى تشرین."


سەرۆک وەزیرانى عێراق داواش دەکات، چیتر موزایەدە و ئیستغلالکردنى هەستى خەڵک لەلایەن ئەوانەى کە دەیانەوێت پرۆژە سیاسى و بەرژەوەندیە ئابوریەکانیان تێپەڕێنن بەسە، هەیە خوێنى شەهیدان بەکاردەهێنێت و بوون بە فەرمانڕەوا و خاوەنى ملیارەها و کڕینى کۆشک و ئۆتۆمبێل.