گه‌ڕان

Shadow Shadow
سیاسه‌تی

پەیامێک لە ئیسرائیلەوە

ئیسرائیل هەڵوێستی خۆی لەبارەی تەقینەوەکەی نیودەلهی لەنزیک باڵیۆزخانەکەی ڕاگەیاند

2021.01.29 - 22:43
App store icon Play store icon Play store icon
ئیسرائیل هەڵوێستی خۆی لەبارەی تەقینەوەکەی نیودەلهی لەنزیک باڵیۆزخانەکەی ڕاگەیاند

ناس کورد- 

بەرپرسێکى باڵاى ئیسرائیل ڕایگەیاند، وەکو ڕووداوێکى تیرۆریستى مامەڵە لەگەڵ تەقینەوە بچوکەکەى بەردەم باڵیۆزخانەکەیان لەنیودەلهیى پایتەختی هندستان دەکەن.

کەناڵی ناس کورد لە تێلیگرام جۆین بکە   

 

بەپێى هەواڵێکى ئاژانسەکانى ئیسرائیل کە "ناس کورد" بەدواداچوونى بۆ کردووە، لەسەر زارى بەرپرسێکى ئەو وڵاتەوە (29ى کانوونى دووەمى 2021) بڵاوکراوەتەوە، تەلئەبیب وەکو ڕووداوێکى تیرۆریستى مامەڵە لەگەڵ تەقینەوەکەی نزیک باڵیوزخانەى ئیسرائیل لەنیودەلهیى هیندستان دەکات کە ئەمڕۆ ڕوویدا.

 

ئاماژە بۆ ئەوەشکراوە، ڕووداوەکە هیچ زیانێکى گیانى لێنەکەوتووەتەوە، بەڵام ئەو ئۆتۆمبێلانەى کە لەنزیک باڵیوزخانەکە ڕاگیراون زیانیان بەرکەوتووە.

 

ئەوەش دواى ئەوە هات، ئەمڕۆ لە شاری نیودەلهیی پایتەختی هندستان تەقینەوەیەک لە نزیک باڵیۆزخانەی ئیسرائیڵ ڕوویدا و بەرپرسانی ئەو وڵاتەش دەڵێن، هیچ زیانێکی گیانی لێنەکەوتووەتەوە.   

  

ماڵپەڕی "هندستان تودەی" (هەینی 29ی کانوونی دووەمی 2021) بڵاویکردووەتەوە، " ئەمڕۆ تەقینەوەیەک لەنزیک باڵیۆزخانەی ئیسرائیل لە نیودەلهی ڕوویداوە و چوار ئۆتۆمبێل زیانیان پێگەیشتووە"، بەبێ ئاماژەکردن بەبێ هیچ زیانێکی گیانی.  

  

ئاماژەی بەوەشکردووە،  دەستبەجێ پۆلیسی نیودەلهی دەستی کردووە لە ڕووداوەکە و هێزێکی زۆری ئەمنی لە ناوچەکە بڵاوەیان پێکراوە.  

  

پۆلیسی هندستان لەبارەی ڕووداوەکەوە ڕایگەیاندووە، بە دیاریکراوی لە کاتژمێر 05:05 خولەکی ئێوارە ڕوویداوە و تەقەمەنییەکی زۆر کەمیش بەکارهێنراوە.