گه‌ڕان

Shadow Shadow
سیاسه‌تی

هەفتەی داهاتوو یەكلایی دەبێتەوە

لەناو لیژنەی دارایی سێ بۆچوون دەربارەی نەوتی هەرێم گەڵاڵە كراوە

2021.01.27 - 18:38
App store icon Play store icon Play store icon
لەناو لیژنەی دارایی سێ بۆچوون دەربارەی نەوتی هەرێم گەڵاڵە كراوە

ناس كورد-

ئەندامێكی كورد لە لیژنەی دارایی ئەنجومەنی نوێنەران ڕایدەگەیەنێت،  کێشەی هەرە گەورەی بەردەم پشکی هەرێم لە گفتوگۆکاندا دەربارەی یاسای موازەنەی ۲٠۲۱، نەوتی هەرێمی كوردستانەو لایەنە عێراقییەكانی بەسەر سێ بۆچووندا دابەش كردووە. 

کەناڵی ناس کورد لە تێلیگرام جۆین بکە   

 

هوشیار عەبدوڵڵا لە فراكسیۆنی گۆڕان و ئەندامی لیژنەی دارای ئەنجومەنی نوێنەران لە راگەیەنراوێكدا كە "ناس كورد" بەدواداچوونی بۆ كردووە، رایگەیاند ئەمڕۆ (27 كانونی دووەمی 2021)  کۆبونەوەی ژمارە ۳۳ ی لیژنەی دارایی بەرێوە چوو، لە كۆبوونەوەكەشدا باسی نەوتی هەرێم، دیوانی چاودێری، نرخی دۆلار كراوە.

 

هەروەها ئەوەشی راگەیاندووە " کێشەی هەرە گەورەی بەردەم پشکی هەرێم لە گفتوگۆکانماندا دەربارەی یاسای موازەنەی ۲٠۲۱، نەوتی هەرێمە، ئەم دۆسیەش لایەنە سیاسیەکانی عێراق بەسەر سێ بۆچون یاخود داواکاریدا دابەش كردووە كە بریتین لە

* ۲٥٠ هەزار بەرمیلی رۆژانە.

* کۆی مەلەفی نەوتی هەرێم.

* کۆی نەوتی بەرهەمهێنراو لە هەرێم.

 

بریاریشە هەفتەی داهاتو لەسەر ڕایەک یەکلا ببنەوە و تا ئێستاش هەرێم یەک ڕای هەیە ئەویش ئەوەیە کە ئامادەیە ۲٥٠ هەزار بەرمیل رادەست بکا، جا داهات بێ یان نەوتەکە.

 

ئەمڕۆ(چوارشەممە 27ی کانونی دووەمی 2021) قوباد تاڵەبانی، سەرۆكی شاندی دانوستانكاری حكومەتی هەرێم لەگەڵ حەسەن کەعبی و بەشیر حەداد، جێگرانی سەرۆكی پەرلەمانی عێراق كۆبوویەوە.