گه‌ڕان

Shadow Shadow
سیاسه‌تی

وردەکاری

سەرۆکایەتی هەرێم: لە عێراق هەر کەس ستەمی لێ بکرێت دەبێتە داعش

2021.01.27 - 13:18
App store icon Play store icon Play store icon
سەرۆکایەتی هەرێم: لە عێراق هەر کەس ستەمی لێ بکرێت دەبێتە داعش

ناس کورد-

ڕاوێژكاری سەربازیی سەرۆكی ھەرێمی كوردستان ڕایگەیاند، داعش جارێكی دیكە لە عێراق خۆی نوێ كردووەتەوە و دەڵێت، "لە عێراق ئەوەی ستەمی لێ بكرێت خۆی دەكات بە داعش."

کەناڵی ناس کورد لە تێلیگرام جۆین بکە   

 

بابەكر زێباری لە لێدوانێکیدا بۆ ماڵپەڕی فەرمیی پارتی کە "ناس کورد" بەدواداچوونی بۆ کردووە (27ی کانونی دووەمی 2021) دەڵێت، "تیرۆریستانی داعش لە ھەموو ناوچەكان جموجۆڵیان بە شێوەیەكی بەرچاو زیادی كردووە و سەرلەنوێ خۆیان رێكخستووەتەوە، پێشتریش ناوچەكانیان داگیر دەكرد بۆ ئەوەی دەوڵەتی ئیسلامی دروست بكەن و شەڕی وڵاتانی بیانیی پێ بكەن كە دواتر سەری نەگرت."

 

کەناڵی ناس کورد لە تێلیگرام جۆین بکە

 

دەشڵێت، "بۆیە ئێستا شەڕی پارتیزانی دەكەن كە چوار ساڵ دەبێت خۆیان دروست كردووەتەوە، جگە لەوەش پێشتر داعشەكان مەغریبی و چیچانی و توونسی و خەڵكی وڵاتانی دیكە بوون، بەڵام ئێستا ھەمووی عێراقین و بە رۆژ كاری خۆیان دەكەن و شەوانەش داعشن، پێشتر ھەوڵدەدرا بزانرێت كێ ئەوانە ھان دەدات خۆیان بتەقێننەوە لە وڵاتان، ئێستا عێراقییەكان خۆیان ئەو كارە دەكەن".

 

بابەکر زێباری وتیشی، "ئێستا لە عێراق ئەوەی ستەمی لێ بكرێت، خۆی دەكات بە داعش، بۆیە گەر حكوومەتێكی راستگۆ نەبێت و دادپەروەری نەبێت، عێراق ئارامی بەخۆیەوە نابینێت، چونكە داعش تەنھا لە ناوچە كوردستانییەكان نییە، بەڵكو لە هەموو ناوچەكانی عێراقیش سەریان ھەڵداوە و لە ئەنبار لە سنووری ئوردن و سووریا بۆسەیان بۆ ھێزەكانی عێراق داناوە، چونكە ئەو ناوچانە چیای زۆرە، بۆیە زۆر زەحمەتە بتواندرێت لەو ناوچانە داعش لەناو ببرێت و لە چیای حەمرینیش بە ھەمان شێوە."

 

باسی لەوەش كرد، "داعش كە دەچنە ناوچەكانیش، خەڵكی ناوچەكان ھاوكارییان دەكەن و ئەوانیش زیاتر بەھێز دەبن، بۆیە چارەسەری زەحمەتە ئەگەر بە شێوەیەكی دادپەروەرانە مامەڵە لەگەڵ دۆخەكە نەكەن و چارەیەكی گونجاو نەدۆزنەوە، ئەوا داعش ھەر بەھێزتر دەبێت و زیاتر كردەوەی تیرۆریستی ئەنجام دەدەن."