گه‌ڕان

Shadow Shadow
سیاسه‌تی

وردەکاری و زانیاری

سوپای پاسداران ’’فڕۆکەی بێفڕۆکەوان و موشەکی’’ بۆ سوریا گواستووەتەوە

2021.01.27 - 11:22
App store icon Play store icon Play store icon
سوپای پاسداران ’’فڕۆکەی بێفڕۆکەوان و موشەکی’’ بۆ سوریا گواستووەتەوە

ناس کورد-

ڕۆژنامەیەکی کوەیتی لە زاری چەند سەرچاوەیەکی ئاگاداری خۆیەوە ئاشکرای دەکات، سوپای پاسدارانی ئێران موشەکی کورت مەودا و فڕۆکەی بێفڕۆکەوان و کەلوپەلی سەربازیی نوێی گواستووەتەوە بۆ سوریا. 

کەناڵی ناس کورد لە تێلیگرام جۆین بکە   

 

ڕۆژنامەکە لە هەواڵێکیدا کە "ناس کورد" بەدواداچوونی بۆ کردووە (26ی کانونی دووەمی 2021) دەڵێت، "چەند سەرچاوەیەک لە ناوخۆی ئێرانەوە ئاشکرایان کردووە کە کاتژمێر 10:15 خولەکی شەوی ڕابردوو بە کاتی تاران، فڕۆکەیەکی بارهەڵگر لە فڕۆکەخانەی نێودەوڵەتی میهرئاباد بەرەو دیمەشق فڕیوە."

 

کەناڵی ناس کورد لە تێلیگرام جۆین بکە

 

دەشڵێت، "سوپای پاسداران فڕۆکەی بێفرۆکەوانی جۆری "مهاجر نوین 2" و موشەکی کورت مەوداری لە جۆری "زلزال" ڕەوانەی سوریا کردووە."

 

باسی لەوەشکردووە کە "سەرجەم ئەو چەک و کەلوپەلانەى لەو کاروانەدا نێردراون بۆ سوریا پێشتر لە مانۆڕە سەربازییەکاندا بەکارهێنراون و تاقی کراونەتەوە لەلایەن سوپای پاسدارانی ئێرانەوە."

 

هەرچەندە موشەکی کورت مەودای "زلزال"ـی 270 کم دەبڕێت، بەڵام ئەوەى زیاتر تایبەتمەندی کردووە ئەوەیە کە کڵاوەیەکی جەنگی قورستری پێوەیە بەراورد بە سەرجەم موشەکە کورت مەوداکانی تری وەک "فاتح".

   

ئەو هەنگاوەش دوای چەند ڕۆژێک دێت لە سەردانی شاندێکی سەربازیی ئێران کە یاریدەدەری فەرماندەی فەیلەقی قودسی سوپای پاسدارانی تێدا بوو بۆ سوریا و لوبنان.

 

بەپێی هەواڵی ڕۆژنامە کوەیتییەکە، پێدەچێت ئێران لە سەروبەندی دەستبەکاربوونی بایدن وەک سەرۆکى نوێی ئەمریکا، بیەوێت هاوکێشەیەکی سەربازیی نوێ لە ناوچەکە پەیڕەو بکات و هەوڵ بدات بگەڕێتەوە بۆ ڕێککەوتننامەى ئەتۆمی لەگەڵ ئەمریکا و وڵاتانی ئەوروپی.