گه‌ڕان

Shadow Shadow
سیاسه‌تی

نوێترین لێدوان لە پەرلەمانەوە لەسەر لێبڕینى موچە و گۆڕانکارییەکانى بودجە

2021.01.27 - 09:27
App store icon Play store icon Play store icon
نوێترین لێدوان لە پەرلەمانەوە لەسەر لێبڕینى موچە و گۆڕانکارییەکانى بودجە

ناس کورد-

 

گفتوگۆکانى لیژنەى دارایی پەرلەمانى عێراق لەسەر بودجە بەردەوامە و چەند گۆڕانکارییەکى تێدا کراوە، ئەندامێکى لیژنەى چاودێریکردنى کارنامەى حکومەتیش دەڵێت دەنگنادەن بۆ لێبڕینى موچەى فەرمانبەران.

کەناڵی ناس کورد لە تێلیگرام جۆین بکە   

 

بەپێی رۆژنامەى سەباحى فەرمى عێراق کە "ناس کورد"  (27ى کانوونى دووەمى 2021) بەدواداچوونى بۆ کردووە، حازم خالیدى ئەندامى لیژنەى چاودێریکردنى کارنامەى حکومەت لەپەرلەمان رایگەیاندووە، لیژنەکەیان لێبڕینى موچەى سەرۆکایەتیەکان و پەرلەمانتاران و وەزیرەکانى جێگیر کردووە بەڵام دەنگنادەن بۆ لێبڕینى موچەى فەرمانبەران.

 

لاى خۆیەوە، نەدا شاکر جەودەت ئەندامى لیژنەى ئابوورى لەپەرلەمانى عێراق ڕایگەیاندووە، لەدۆخێکى سەختى ئابوورى وەکو ئێستادا پێویستە گرنگى زیاتر بەپیشەسازى و فێرکردن و تەندروستى بەپلە یەک بدرێت، بەڵام ئەوەیان لەپڕۆژە بودجەکەدا نەبینیووە، ئەوەشى بۆ کەرتى کشتوکاڵ و پیشەسازى تەرخانکراوە زۆر کەمە و پێچەوانەى بەرەو چاکسازى کردنە لەو کەرتانەدا.

 

بەوتەى نەدا، ژمارەیەک لەپەرلەمانتاران ڕەخنەیان لەوە هەبووە پارەیەکى زۆر بۆ کاروبارى ئاینى و وەقفەکان تەرخانکراوە زیاتر گرنگى پێدراوە وەک لەکەرتەکانى کشتوکاڵ و پیشەسازى.

 

ئەو پەرلەمانتارە ڕەخنەى توندیش لەبڕگەى تایبەت بەفرۆشتنى موڵک و ماڵى دەوڵەت دەگرێت و دەشڵێت لیژنەکەیان ئەو بڕگەیەیان ڕەتکردووەتەوە.