گه‌ڕان

Shadow Shadow
سیاسه‌تی

وردەکاریى

فەتوایەك لەبارەی تەرمی فیرعەونەكان مشتومڕ دروست دەكات

2021.01.26 - 14:52
App store icon Play store icon Play store icon
فەتوایەك لەبارەی تەرمی فیرعەونەكان مشتومڕ دروست دەكات

ناس کورد-

مامۆستایەكی شەرعزانی لە زانكۆی ئەزهەر فەتوای دا كە هەڵگێڕانەوەی گۆڕی فیرعەونەكان و دەرهێنانی مۆمیاكانیان و نمایشكردنی لە مۆزەخانەكان بۆ پارە كۆكردنەوە دروست نییە، ئەمەش ناڕەزایەتی لای شوێنەوارناسان و هەندێ شەرعزانیتر دروست كردووە.

 

کەناڵی ناس کورد لە تێلیگرام جۆین بکە   

ئەحمەد كەریمە مامۆستای شەرعزانی لە زانكۆی ئەزهەر لە فەتوایەكدا لە پەخشی كەناڵ فەرمی میسركە "ناس كورد" بەدواداچوونی بۆ كردووە (26 كانونی دووەمی 2021) دەڵێت "هەڵدانەوەی گۆڕی فیرعەونەكانی باپیرانمان رێگەپێدراو نییە لەبنەڕەتدا هەروەها نمایشكردنیان بۆ كۆكردنەوەی هەندێك بڕە دۆلار".

 

بەرامبەر بەمەش ژمارەیەك ئاسەوارناس و شارەزای شوێنەوار نكولی لەفەتواكە دەكەن بەوپێیەی رێگە لە پشكنینی زانستی و توێژینەوە دەگرێت و میسر بێبەش دەكات لەسەرچاوەیەكی سەرەكی داهات كە گەشتیارییە.

 

لەلایەكیترەوە فەتحیە حەنەفی مامۆستای شەرعزانی لە زانكۆی ئەزهەر لە لێدوان بۆ ئیندیپێندێنت عەرەبی، ئەم كارەی بەرێگەپێدراو داوەتە قەڵەم چونكە دەرگایەكە لەدەرگاكانی توێژینەوەی زانستی و پەند وەرگرتنیشە لەنەتەوەكانی پێشوو كە لەقورئاندا ئاماژەی پێ كراوە.