گه‌ڕان

Shadow Shadow
سیاسه‌تی

وردەکاریى

ڤیدیۆ: دوو کرێکاری کارگەی ماست لەحەوزێک شیردا مەلە دەکەن

2021.01.25 - 13:52
App store icon Play store icon Play store icon
ڤیدیۆ: دوو کرێکاری کارگەی ماست لەحەوزێک شیردا مەلە دەکەن

 ناس كورد- 

ڕۆژنامەیەکى تورکى بڵاوى کردەوە، بەهۆى ئەوەى کرێکارێک مەلەوانى لەناو حەوزێکى شیرى کارگەیەکى ماستدا کردووە، دادوەرى گشتى ئەو وڵاتە داواى سەپاندنى سزاى زیندانیکردن بە2 تا 15 ساڵ دەکات.

 

کەناڵی ناس کورد لە تێلیگرام جۆین بکە   

بەپێى هەواڵێکى  ڕۆژنامەى حوڕیەت دیلى نیوزى تورکى  کە "ناس کورد" بەدواداچوونى بۆ کردووە، لەیاداشتى تۆمەتبارکردنى کرێکارەکەدا ئەوە هاتووە، هەستاوە بەپڕکردنى حەوزێک بەشیرو ئاوى گەرم و دواتر خۆى هەڵداوەتە ناوى و مەلەى تێدا کردووە و هاوپیشەیەکیشى وێنەى گرتووە.

 

هەر بەپێى یاداشتى تۆمەتبار کردنەکە، ئەو کرێکارە شیرێکى زۆرى بەهەدەر داوە و ڕژاوەتە ناو کارگەکە.

 

ڕۆژنامەکە باسى لەوەش کردووە، ئەو دوو تۆمەتبارە لەبەردەم دادگا بەرگرییان لەخۆیان کردووە و ئەو کارەیان تەنها بەیاریکردنێک زانیووە، بەڵام دادوەرى گشتى وەڵامى داونەتەوە و ئەو شێوازە مەلەکردنە زیانى تەندروستیشى هەیە.

 

ڕێکەوتى 26ى مانگى تشرینى یەکەمى ساڵى ڕابردوو گرتەى ڤیدیۆیى دوو کارمەندى کارگەیەکى ماستى تورکى بڵاوکرایەوە کە تیایدا دەردەکەون مەلەوانى لەناو حەوزێکى شیرى کارگەکەدا دەکەن و ئەو کارەش کاردانەوەى زۆرى لێدەکەوێتەوە و لەسەر سکاڵاى دادوەرى گشتیش ئەو دوو کرێکارە دەستگیر دەکرێن.