گه‌ڕان

Shadow Shadow
سیاسه‌تی

وردەکاریى

پەرلەمانتارێک ئەو مادەیەى بودجە ئاشکرا دەکات کە زۆرترین گفتوگۆى لەسەرە 

2021.01.25 - 10:08
App store icon Play store icon Play store icon
پەرلەمانتارێک ئەو مادەیەى بودجە ئاشکرا دەکات کە زۆرترین گفتوگۆى لەسەرە 

ناس کورد-

پەرلەمانتارێکى عێراق ڕایگەیاند، لەپڕۆژە یاساى بودجەدا مادەیەک هەیە کە ڕێگە بە حکومەت دەدات موڵک و ماڵە گشتییەکانى بفرۆشێت و ئەوەش کارەساتى ئابورى لێدەکەوێتەوە و زیان بە ژێرخانى ئابورى دەوڵەت دەگەیەنێت. 

 

کەناڵی ناس کورد لە تێلیگرام جۆین بکە   

موهەنەد عیتابى پەرلەمانتارى عێراق (25ى کانوونى دووەمى 2021) لەلێدوانێکیدا بۆ ڕۆژنامەى سەباحى فەرمى کە "ناس کورد" بەدواداچوونى بۆ کردووە، ڕایگەیاند، یەکێک لەبڕگەکانى بودجەى 2021 بووەتە جێى مشتومڕ و چەند خاڵێکى پڕ مەترسیى تێدایە کە زیان بەستراتیژیەتى ئابوورى عێراق دەگەیەنێت و گەر بەو شێوەیەش تێپەڕێت ئەوا سەروەرى ئابوورى ناوخۆیى دەخاتە مەترسییەوە.

 

ئاماژەى بۆ ئەوەش کرد، هەموو کات دەوڵەت بەسەرچاوە داراییەکانیەوە بەهێزە ئەوەى کەهەیەتى لەموڵک و ماڵى گواستراوە و نەگواستراوە بەڵام ئەوەى ئەمڕۆ لە مادەى 47ى بودجەکەدا هەیە ڕێگەى بەسەرجەم وەزارەتەکان داوە کە سەرمایە ئابوورییەکەیان لەڕێگەى کۆمپانیاکانەوە لەماوەى 6 مانگدا بفرۆشن.

 

عیتابى باسى لەوەش کردووە، لەسەر ئەو بنەمایە گوایە زۆرکردنى داهاتە بۆ دەوڵەت وەزارەتى گواستنەوە هەڵدەستێت بەفرۆشتنى گەراجى نەهزە کە شوێنێکى گشتیە بۆ گواستنەوەى گەشتیاران و ئەوەش دەفرۆشرێتە کۆمپانیایەک یاخود دەکرێتە خاوەندارێتى تایبەت.