گه‌ڕان

Shadow Shadow
سیاسه‌تی

وردەکاریی لە ناس کورد

لە هەولێر بەرگدرویەک لەژورى خۆگۆڕین ڤیدیۆى کچان و ژنانى تۆمارکردووە

2021.01.24 - 17:51
App store icon Play store icon Play store icon
لە هەولێر بەرگدرویەک لەژورى خۆگۆڕین ڤیدیۆى کچان و ژنانى تۆمارکردووە

ناس کورد-

 

پۆلیسى هەولێر دەستگیرکردنى بەرگدرویەکى راگەیاند، کەلەژورى خۆگۆڕین و تاقیکردنەوەى جلوبەرگى ژنان کامێراى داناوە.

 

کەناڵی ناس کورد لە تێلیگرام جۆین بکە   

 

هۆگر عەزیز وتەبێژى پۆلیسى هەولێر بە "ناس کورد" ى راگەیاند، رۆژى پێنج شەممە پۆلیس بەرگدرویەکى تایبەت بە دورینى جلوبەرگى ئافرەتانى دەستگیرکردووە، دواى ئەوەى کچێک بوونى کامێراى لەژورى خۆگۆڕین و تاقیکردنەوەى جلوبەرگ ئاشکراکردووە.

 

وتیشى ئەو بەرگدرووە مۆبایلەکەى خۆى دانابوو بۆ ئەوەى وێنەى ئەو کچ و ژنانە بگرێت کە دەچنە دوکانەکەى و جلوبەرگ تاقیدەکەنەوە و لەلایەن کچێکەوە کارەکە ئاشکراکراوە.

 

ئەو کەسەى دەستگیرکراوە خێزاندارە و خاوەنى چوار منداڵە و بەپێی ماددەى 402 لە یاساى سزادانى عێراقى لێکۆڵینەوەى لەگەڵدا دەکرێت.

 

بەپێی ئەو ماددەیە، هەر کەسێک لە شوێنێکى گشتى بە قسە یان کردار یان ئاماژە کارى نەشیاو بەرانبەر کچان و ژنان ئەنجام بدات، بە سێ مانگ زیندانى، یان سزایەکى ماددى کە کەمتر نەبێت لە 50 هەزار و زیاتر نەبێت لە 200 هەزار دینار یان بەهەردووکى سزا دەدرێت.

 

هۆگر عەزیز باسى لەوەکرد، بەرگدروە دەستگیرکراوەکە لە لێکۆڵینەوەکاندا وتویەتى کە ئەو کچەى پێ جوان بووە، بۆیە حەزیکردووە ڤیدیۆى تۆماربکات.

 

بەوتەى هۆگر عەزیز، ئەوە یەکەم حاڵەتى لەو شێوەیەیە لە هەولێر تۆماربکرێت.