گه‌ڕان

Shadow Shadow
سیاسه‌تی

وردەکاری

جەمیل هەورامی: بەشێکى سەرکردەى لایەنەکان گەندەڵن و بە چاوێکى سوک تەماشایان دەکەین

2021.01.24 - 16:06
App store icon Play store icon Play store icon
جەمیل هەورامی: بەشێکى سەرکردەى لایەنەکان گەندەڵن و بە چاوێکى سوک تەماشایان دەکەین

ناس کورد-

ئەندامێکى پێشووى سەرکردایەتى یەکێتى ڕایدەگەیەنێت، ژمارەیەک لە سەرکردەى حزبە کوردییەکان ناوى پێشمەرگەیان زڕاندووە و بۆ بەرگریکردنیش لە مافەکانى پێشمەرگە ڕادیۆ و کەناڵێکى تایبەت دادەمەزرێنن.

کەناڵی ناس کورد لە تێلیگرام جۆین بکە   

 

لە کۆنفرانسێکى ڕۆژنامەوانیدا کە ژمارەیەک لە پێشمەرگە دێرینەکانى کوردستان لەناو بیناى پەرلەمان بەڕێوەچوو، جەمیل هەورامى، ئەندامى پێشووى سەرکردایەتى یەکێتى نیشتمانى کوردستان (24ى کانونى دووەمى 2021) ڕایگەیاند، "بەشێکى سەرکردەى لایەنەکان هەن گەندەڵن، ئێمە بەچاوێکى سوکەوە تەماشایان دەکەین، چونکە دەزانین گەندەڵى دەکەن لەم وڵاتەدا و ناوى پێشمەرگە ئەوانە زڕاندوویانە، بەڵام ئێمە پیاوە تێکۆشەرەکانین و خۆمان بە خزمەتکارى میلەتەکەمان دەزانین".

 

کەناڵی ناس کورد لە تێلیگرام جۆین بکە

 

وتیشى، "ئێمە بە جنێو و ناوڕزاندنى هەندێ خەڵکى نەفسنزم نیگەران نابین کە سوکایەتى بە پێشمەرگە دەکات بەڵام نیگەرانین لەو کەناڵانەى کە خاوەندارێتی پێشمەرگەى دێرین ناکەن و لەسەرمان بە جواب نایەن، ناچار ئێستا ڕادیۆمان لەسەر ئەرکى خۆمان داناوە و کەناڵیش بۆ بەرگریکردن لەخۆمان دادەنێین".


هەورامى دەشڵێت، "بەڵام لەهەر شوێنێک پێشمەرگەیەکى دێرین هەر دەزگایەکى بەڕێوەبردبێت لە هەموو کەسێک پاکتر و دڵسۆزانەتر بەڕێوەى دەبات."


لەکۆتایى وتەکانیشدا جەمیل هەورامى ئاماژەى بۆ دۆخى خراپى باروگوزەرانى پێشمەرگە دێرینەکان و مناڵەکانیانى کرد کە لەزۆر مافى شایستەى خۆیان بێبەشکراون.

 

ئەمڕۆ ژمارەیەک لە پێشمەرگە دێرینەکانى هەرێمى کوردستان سەردانى پەرلەمانی کوردستانیان کرد و بەمەبەستى دەرکردنى یاسایەکەى تایبەتى بەمافەکانى پێشمەرگەى دێرین لەهەرێمى کوردستان و بۆ ئەو مەبەستەش سەرۆکى پەرلەمان و لیژنەى پیشمەرگە پیشوازى لێکردن.