گه‌ڕان

Shadow Shadow
سیاسه‌تی

’’تەگبیری شەڕی پەکەکە و هەرێم’’

بەڵگە؛ وەزارەتی بەرگریی تورکیا ’’تەگبیری شەڕی پەکەکە و حکومەتی هەرێم’’ دەکات

2021.01.24 - 14:30
App store icon Play store icon Play store icon
بەڵگە؛ وەزارەتی بەرگریی تورکیا ’’تەگبیری شەڕی پەکەکە و حکومەتی هەرێم’’ دەکات

 ناس کورد-

وەزارەتی بەرگریی تورکیا لە پڕۆژەی بودجەی پێشنیازکراوی ساڵی 2021دا بۆ یەکەمجار “تەگبیری شەڕی نێوان حکومەتی هەرێمی کوردستان و پەکەکە” دەکات.

کەناڵی ناس کورد لە تێلیگرام جۆین بکە   

 

ماڵپەڕی کوردستان تایمز لە سەرچاوەیەکی تایبەتەوە چەند پەرەگرافێکی لە بودجەی ساڵی 2021ی تورکیاوە بڵاوکردووەتەوە کە تێیدا وەزارەتی بەرگریی تورکیا لە بەشێکیدا چەند نەخشەیەکی بەناونیشانی "بنبڕکردنی تیرۆر لە سوریا و باکوری عێراقدا" خستووەتەڕوو.

 

دوو پەرەگراف لە نەخشەکانی وەزارەتی بەرگریی تورکیا:

 

 

کۆماری تورکیا

وەزارەتی بەرگریی نەتەوەیی تورکیا

داخوازی نامەی بوجەی وەزارەتی بەرگری بۆ ساڵی 2021 پێشکەشە بە پارلمانی تورکیا

هولوسی ئاکار وەزیری بەرگری نەتەوەیی

 

12/نۆڤێمبەری ساڵی ٢٠٢٠ پێشکەش کراوە

 

2.2 لە پەیوەندی پێشکەوتنەکانی عێراقدا

ڕێکخراوی تیرۆریستی پکک لە قەندیل، سنجار، مەخموور، بەرزاییەکانی قەرەچوغ و لە باکووری عێراق درێژە بە هەبوون و چالاکیەکانی دەدات.

 

هەرچەندە حکومەتی عێراق لە ئێستاوە لە مەخموور و سنجاردا دەستەڵاتدارە، بەڵام پکک لە کامپەکانی سەر بە نەتەوەیەکگرتوەکان درێژە بە چالاکیەکانی دەدات.

 

لە ناوچەی خواکورک و حەفتانیندا لە چوارچێوەی ئۆپەراسیۆنەکانی پەنچەدا دژ بە پکک سەرکەوتنی گەورە بەدەست هاتوون

 

ئێمە ئاروزووی عێراقێکی ئارام و خاوەن حوزوور دەکەین. بۆ ئەوەی هێزە دەرەکیەکان لە عێراقدا بخەینە دەرەوە و یەکگرتوویی و سەربەخۆیی عێراق مسۆگەر بکەین، لەگەڵ حکومەتی ئەوێدا ئامادەی هاوکارین.

 

 

2.3 لە پەیوندی بە پێشکەوتنەکانی سوریا دا

 

بەڕێز سەرۆک و ئەندامانی دیکەی کۆمیسیۆن “مەبەستی کۆمیسیۆنی بودجە لە پارلەمان”

لە باکوری سوریادا پکک، پدک، یپگ و داعش هەڕەشەن

ئۆپەراسیۆنەکانی ….. ….. …. ….. بەسەرکەوتوویی بە ئەنجام گەیشتن، بەڵام دەبێ هەموو ڕێڕەوەکانی تێرۆر بنبڕ بکەین. ئەگەر ئەو کارە ئەنجام نەدەین، لە داهاتوودا هەڕەشەی تێرۆر هەر دەمێنێت.   

 

دەقی پەرەگرافێک لە هەڵسەنگاندنەکانی بودجە لەلایەن وەزارەتی بەرگریی تورکیاوە:

 

 

شەڕی نێوان حکومەتی هەرێمی کوردستانی عێراق و پکک:

 

حوکومەتی هەریمی کوردستانی عێراق لە بەرانبەر ڕێکخراوی تێرۆری پکک دا کە هەزاران دێهاتی لە باکووری عێراقدا وێران کردوە و درێژە بە چالاکیەکانی دەدات

-لەو ماوەیەی دواییدا گوشار و تەگبیرەکانیان “مەبەستیان دژ بە پکک ەیە -و-“زیاد کردوە

-لەو ماوە نزیکەی ڕابووردودا ڕێکخراوی تێرۆری پکک لە زینی وەرتێی قەندیل دا چالاکیەکانی کەمی کردوە.

-لە ٩ی مانگی ئۆکتۆبەردا لەگەڵ حکومەتی ناوەندی عێراقدا پەیمانێک ئیمزاکرا بۆ ئەوەی پکک لە سنجار وەردەربنێن.

حکومەتی هەرێمی کوردستان بە مەبەستی دەرکردنی پکک لە باکووری عێراقدا درێژە بە هەوڵەکانی دەدات.

 

سەرچاوەیەک لە پارلەمانی تورکیاوە بە کوردستان تایمزی ڕاگەیاندووە کە ئەوە یەکەمجارە بەو شێوەیە وەزارەتی بەرگریی تورکیا لە بوجەی ساڵانەیدا بەو جۆرە پلانەکانی باسبکات.

 

لە چەند رۆژی رابردووشدا هوڵوسی ئاکار، وەزیری بەرگریی تورکیا گەیشتە بەغدا و دواتریش سەردانی هەولێری کرد.

 

لە بەغداد لەگەڵ بەرپرسانی عێڕاق کۆبوەوە و دواتریش لەگەڵ بەرپرسانی پارتیی دیموکراتیی کوردستان و حکومەتی هەرێمی کوردستان کۆبوەوە.

 

لەماوەی رابردوودا پێکدادانی بچوک لەنێوان پەکەکە و هێزەکانی پارتی لە هەرێمی کوردستان دروستبوون.