گه‌ڕان

Shadow Shadow
سیاسه‌تی

کونسوڵی گشتیی ئێران لەبارەی کورتە فیلمەکەوە ڕوونکردنەوە دەدات

2021.01.24 - 12:28
App store icon Play store icon Play store icon
کونسوڵی گشتیی ئێران لەبارەی کورتە فیلمەکەوە ڕوونکردنەوە دەدات

 ناس کورد-

حکومەتی هەرێمی کوردستان لەبارەی کورتەفیلمی "توکل" ئاگادارینامەیەکی ناڕەزایی دایە کونسوڵی گشتیی ئێران، کونسوڵی گشتییش دەڵێت، بەهیچ شێوەیەک لەگەڵ بەرهەمهێنانی ئەو فیلمەدا نین و لێکۆڵینەوە لەوبارەیەوە دەکەن.

کەناڵی ناس کورد لە تێلیگرام جۆین بکە   

 

سەفین دزەیی، سەرۆکی فەرمانگەی پەیوەندییەکانی دەرەوەی هەرێمی کوردستان (یەکشەممە 24ی کانوونی دووەمی 2021) ڕایگەیاند، "ناڕەزایەتی هەرێمی کوردستانمان گەیاندە کۆماری ئیسلامی ئێران و ئاگادارینامەیەکمان دایە کونسوڵی ئەو وڵاتە لە هەولێر."

 

زیاتر بخوێنەوە: ئێران فیلمێک لەناو سەری ڕەش و لەسەر بارزانی و قاسم سولەیمانی بڵاودەکاتەوە  

زیاتر بخوێنەوە: پارتی وەڵامی فیلمەکەی ئێران لەبارەى بارزانی و قاسم سولەیمانی دەداتەوە  

 

هاوکات نەسڕوڵڵا ڕەشنودی، کونسوڵی گشتیی ئێران لە هەولێر لە لێدوانێکیدا بۆ تەلەفزیۆنی ڕوودا ڕایگەیاند، "قاسم سولەیمانی ڕێزێکی گەورەی بۆ سەرکردەکانی هەرێمی کوردستان هەبوو و بەهەمانشێوە ئێران پەیوەندیی مێژوویی لەگەڵ سەرکردەکانی کورد هەیە و بارزانیش هەڵوێستی ئێمە دەزانێت کە دژی ئەو جۆرە فیلمەین."

 

وتیشی، "هەندێک لایەن دەیانەوێت پەیوەندییەکانمان تێکبدەن و لێکۆڵینەوە لە بەرهەمهێنانی ئەو فیلمە دەکەین."

 

باسی لەوەشکرد کە "ئێمە بە هیچ شێوەیەک ئاگام لەو کورتە ڤیدیۆییە نییە و پەیوەندیم بە برادەرانەوە کردووە لە ئێران و ئەوانیش دەڵێن ئاگامان لێی نییە."