گه‌ڕان

Shadow Shadow
سیاسه‌تی

وردەکاری بخوێنەوە

پەرلەمان لەبارەى موچەی خانەنشینی بۆ کرێکاری کەرتی تایبەت هەنگاو دەنێت

2021.01.24 - 11:52
App store icon Play store icon Play store icon
پەرلەمان لەبارەى موچەی خانەنشینی بۆ کرێکاری کەرتی تایبەت هەنگاو دەنێت

ناس کورد-

پەرلەمانی عێراق چاوەڕێی حکومەتی دەکات گۆڕانکاری گرنگ لە یاسای کار ئەنجام بدات تاوەکو دەنگی لەسەر بدرێت، "بە شێوەیەک خاوەنی کۆمپانیا و کارگەکان ناچار دەکات موچەی خانەنشینی بۆ کرێکارانی کەرتی تایبەت ببڕێننەوە."

کەناڵی ناس کورد لە تێلیگرام جۆین بکە   

 

فازڵ فەتلاوی، ئەندامی لیژنەی کار لە پەرلەمانی عێراق لە لێدوانێکیدا بۆ ڕۆژنامەی سەباحی فەرمی کە "ناس کورد" بەدواداچوونی بۆ کردووە (24ی کانونی دووەمی 2021) دەڵێت، "پەرلەمان کار بۆ پەسەندکردنی و تێپەڕاندنی ئەو یاسا گرنگە دەکات و هەوڵ دەدات گۆڕانکاری تێدا بکات تاوەکو گەرەنتی مافی کرێکار بکات و موچەی خانەنشینییان بۆ ببڕێنێتەوە."

 

کەناڵی ناس کورد لە تێلیگرام جۆین بکە

 

وتیشی، "هێشتا گۆڕانکارییەکان لە یاساکەدا لای حکومەتە و لیژنەی کاریش بانگهێشتی وەزیری کاری کردووە بۆ ئەو مەبەستە" و دەڵێت، "لیژنەکە سورە لەسەر ئەوەى ئەو یاسایە لە قۆناغی داهاتوودا کاری لەپێشینەیان دەبێت."

 

فەتلاوی باسی لەوەش کرد کە "یاساکە مافی کرێکاری تێدایە بە شێوەیەک کە کۆمپانیا و خاوەن پڕۆژەکان ناچار دەکات گەرەنتی پێدانی ماف ئەو کرێکارانە بکەن کە کار دەکەن لایان."

 

جەختی کردەوە کە "یاساکە دەرگایەکی گەورە لەسەر کرێکاران دەکاتەوە و فشاری سەر کەرتی حکومیش کەم دەکاتەوە."

 

ڕوونیشی کردەوە کە "وەزارەتی کار سەرباری دۆخی قورسی دارایی و پەتای کۆرۆنا، لە هەوڵی بەردەوامدایە بۆ ئەوەى زۆرترین کەس لە چاودێری کۆمەڵایەتیدا وەربگریرێن، هەر بۆ ئەو مەبەستەش بودجەی دابینکراو لە وەزارەتی کار لە پڕۆژەیاسای بودجەی 2021دا زیاد کراوە."