گه‌ڕان

Shadow Shadow
سیاسه‌تی

وردەکاری

داعش دوو هێرشی تری کردە سەر چەکدارانی حەشدی شەعبی

2021.01.24 - 08:48
App store icon Play store icon Play store icon
داعش دوو هێرشی تری کردە سەر چەکدارانی حەشدی شەعبی

ناس کورد-
سەرچاوە ئەمنییە عێراقییەکان ڕایانگەیاند، شەوی ڕابردوو وەڵامی دوو هێرشی نوێی داعشیان لە پارێزگاکانی نەینەوا و سەڵاحەدین داوەتەوە.

کەناڵی ناس کورد لە تێلیگرام جۆین بکە   

 

بەگوێرەی چەند سەرچاوەیەکی ئەمنیی عێراقی (24ی کانونی دووەمی 2021) کە "ناس کورد" بەدواداچوونی بۆ کردووە ئاماژە بەوەکراوە، "چەکدارانی  لیوای 25 و 44ی حەشدی شەعبی وەڵامی هێرشێکی چوار ئۆتۆمبێلی سەربازیی چەکدارانی  داعشیان داوەتەوە لە ناوچەی حەزەر و ناچاریان کردوون پاشەکشە بکەن، بێ ئەوەی هیچ ئاماژەیەک بە زیانە گیانییەکان هەردوولا بکرێت."

 

کەناڵی ناس کورد لە تێلیگرام جۆین بکە

 

سەرچاوە ئەمنییەکان ئاماژەیان بەوەشکردووە، "چەکدارانی داعش لە قەزای سینییە لە خۆرئاوای قەزای بەیجی لەباکوری پارێزگای سەڵاحەدین هێرشیان کردووەتە سەرماڵی ئەفسەرێکی سوپای عێراق و لەئاکامدا پێکدادانێک لەنێوان هەردوولادا ڕوویداوە، کوڕێکی ئەفسەرەکە لەکاتی پێکدادانەکەدا بریندار بووە".

 

هەر درەنگانی شەوی ڕابردوو، چەکدارانی داعش هێرشیان کردە سەر چەکدارانی حەشدی شەعبی لە جەزیرەی ئەلعێس لە ناوچەی حەمرینی سەر بە ناوچەی دۆڕ لە ڕۆژهەڵاتی شاری سەڵاحەدین، لە هێرشەکەدا 11 کوژرا و 10 برینداری لە چەکدارانی حەشدی شەعبی کەوتەوە، لەناویاندا فەرماندەی فەوجی سێی تێدابوو کە ناوی ئەبو عالیە حەسناوییە و سەر بە لیوای 22 هێزەکانی حەشدی شەعبییە.