گه‌ڕان

Shadow Shadow
سیاسه‌تی

بەوێنە: زیانە گیانییەكانی بۆردومانی توركیا لە نزیك سەنتەری قەزای چۆمان

2021.01.23 - 21:07
App store icon Play store icon Play store icon
بەوێنە: زیانە گیانییەكانی بۆردومانی توركیا لە نزیك سەنتەری قەزای چۆمان

ناس کورد-

دوای بۆردومانی گوندێکی سنوری ناحیەی حاجی ئۆمەران لەلایەن فڕۆکە جەنگییەکانی تورکیاوە، پەرلەمانتارێک چووە شوێنی گوندەکە و چەند وینەکەیەکی پاشماوەی بۆردومانەکەی بڵاوکردەوە.

کەناڵی ناس کورد لە تێلیگرام جۆین بکە   

 

لوقمان وەردی، ئەندامی فراکسیۆنی یەکێتی لە پەرلەمانی کوردستان، بە نوێنەرایەتی فراکسیۆنەکەی سەردانی گوندی ئازادیی سەربە ناحیەی حاجی ئۆمەرانی کرد و لە فەیسبوکی فەرمیی خۆی چەند وێنەیەکی پاش بۆردومانەکەی فڕۆکەجەنگییەکانی تورکیاشی بڵاوکردووەتەوە.

 

 

ئەو پەرلەمانتارە ئاماژەی بەوەشکردووە "ئەو شوێنەی بۆردومانکراوە  بەھیچ شێوەیەک  گەریلای پەکەکە لەو ناوچەیە بوونی نەبووە نە لەرابردوو نە لە ئێستادا ."

 

ئەوەشی خستووەتەڕوو،  ئەو شوێنە نزیکەی 30 ساڵە لە ساڵی 1991وە شوێنی بەخێوکردنی مەروماڵاتی مام سەید محمودە ،  تەنھا 150 مەتر رێگەی  سەرەکی چۆمان -  حاجی ئۆمەران دوورە، لە ئەنجامی بۆردومانی فڕۆکە جەنگییەکانی دەوڵەتی داگیرکەری تورکیا 250 سەر مەڕ و بزنی (مام سەید محمود ) لەناو چوون  ھەروەھا  شوێنی بەخێوکردنی مەروماڵاتیش بەتەواوی  وێرانکراوە  ."

 

باسی لەوەشکردووە، " ئەو بۆردومانە تەنھا 10 کیلۆمەتر لە سەنتەری قەزای چۆمان دورە، بەوھۆیەوە وێڕایی زیانی گیانی و ماددی ترس و دڵە راوکێی زۆری لە ناوچەکە بڵاوکردووەتەوە، کاریگەری زۆر خراپی بۆ سەر کار و کاسبی ھاووڵاتیانی باڵەکایەتی و تەنانەت لەسەر  بزاوتی بارزگانی و گەشتیاریش لە ناوچەکە دروستکردووە ."

 

جەختیشیکردووەتەوە، " داوا لە ھەرسێ سەرۆکایەتی  ھەرێم دەکەین سنورێک بۆ ئەو دەستدرێژیانەی دەوڵەتی تورکیا دابنێن و وەک ئەرکێکی ئەخلاقی دەبێت سەرو ماڵی ھاووڵاتیانی ھەرێم بپارێزن، لەھەمان کاتدا داواکارین مام سەید محمود قەرەبووبکەنەوە، بۆ ئەو مەبەستە پشتیوانی ھاوڵاتیانمان ھەموو رێکارێک دەگرینەبەر ."