گه‌ڕان

Shadow Shadow
سیاسه‌تی

سیاسەتی داهاتووی مەکگۆرک

سەرچاوەیەكی رۆژئاوایی قسە لەسەر سیاسەتی داهاتووی مەكگۆرك دەكات

2021.01.23 - 17:24
App store icon Play store icon Play store icon
سەرچاوەیەكی رۆژئاوایی قسە لەسەر سیاسەتی داهاتووی مەكگۆرك دەكات

ناس کورد- 

بەرپرسێکى ڕۆژئاواى کوردستان کە پەیوەندى لەگەڵ بەرپرسانى ئەمەریکادا هەیە ئاشکراى دەکات، برێت مەککۆرگ هەر ئەرکێکى پێبسپێردێت بە جوانى ئەنجامیدەدات و یەکەمین کارى لەپێشینەشى کەمکردنەوەى ئەو زیانانەیە کە ترەمپ بەسەر ڕۆژئاواى کوردستاندا هێناویەتى.

کەناڵی ناس کورد لە تێلیگرام جۆین بکە   

 

ڕۆژنامەى شەرقولئەوسەتى چاپى لەندەنى لەسەر زارى سەرچاوەیەکى  ڕۆژئاواییەوە کە زانیارى لە سەر بەرپرسى ئەمەریکا هەیە بڵاویکردووەتەوە، مەککۆرگ کەسێکى پابەندە بەو ئەرکانەى کە فەرماندەى گشتى خستویەتییە سەرشانى و ئەوەشى پێشتر بۆ سێ سەرۆکایەتیى ئەمەریکا ئەنجامداوە.

 

هەر بەپێى هەواڵى ئەو ڕۆژنامەیە کە "ناس کورد" بەدواداچوونى بۆ کردووە، سەرچاوەکە (23ى کانوونى دووەمى 2021)  ئەوەشى ڕوونکردووەتەوە، مەککۆرگ هەوڵى پەیداکردنى هاوبەشە ناوخۆییە بەهێزەکان دەدات لەپێناو پاراستنى بەرژەوەندییەکانى ئەمەریکادا و زۆرجاریش لەبەرامبەر ئەوەى کە بەدەستى دەهێنێت بڕێکى کەم دەبەخشێت.

 

ڕۆژنامەکە دەشڵێت، دۆسییەى ڕۆژئاواى سوریا کارى لەپێشینەى ئیدارەکەى بایدن دەبێت و مەککۆرگیش هەوڵدەدات ئەو زیانە کەمبکاتەوە کە لەلایەن ترەمپەوە بەسەر ئەو ناوچەیە دا هاتووە، ئەوەش لەڕێگەى چاو پۆشین لەئۆپراسیۆنەکانى سوپاى تورکیا لەدژى کوردەکان،  هەروەها چاوپۆشین لەو پێشێلکاریانەى کە ئەو سوپایە ئەنجامیدا.

 

برێت مەکگۆرک نوێنەری پێشووی سەرۆکی ئەمەریکا بوو لە هاوپەیمانیی نێودەوڵەتی دژی داعش، لە ئیدارەی نوێی سەرۆکایەتیی ئەمەریکادا لەلایەن جۆ بایدنەوە وەک رێکخەری کاروباری رۆژهەڵاتی ناوەراست دیاریکرا.