گه‌ڕان

Shadow Shadow
سیاسه‌تی

’’لە دەسەڵاتی کازمیدا نییە’’

سائیرونی سەدر: دواخستنی هەڵبژاردن بە فشاری سیاسی بووە

2021.01.23 - 09:52
App store icon Play store icon Play store icon
سائیرونی سەدر: دواخستنی هەڵبژاردن بە فشاری سیاسی بووە

ناس کورد-

پەرلەمانتارێکى هاوپەیمانى سائیرون ڕایدەگەیەنێت، فشارێکى سیاسى لەسەر کۆمسیۆن هەبووە بۆ دواخستنى هەڵبژاردنى پێشوەختە و دواخستنیشى لە دەسەڵاتی سەرۆک وەزیراندا نییە.

کەناڵی ناس کورد لە تێلیگرام جۆین بکە   

 

لە لێدوانێکیدا بۆ ڕۆژنامەى سەباح کە "ناس کورد" بەدواداچوونى بۆ کردووە، ڕیاز مەسعود، پەرلەمانتارى فراکسیۆنى هاوپەیمانى سائیرون لە پەرلەمانى عێراق (23ى کانونى دووەمى 2021) ڕایگەیاندووە، دیاریکردنى کاتى هەڵبژاردنەکان لە دەسەڵاتى سەرۆک وەزیراندا نییە.

 

کەناڵی ناس کورد لە تێلیگرام جۆین بکە

 

ئاماژەى بۆ ئەوەش کردووە، هەڵبژاردنى پێشوەختە پشت نابەستێت بە مادەى 64 بەڵکو پشت دەبەستێت بە مادەى 56ى دەستور و لەمادەى 64دا ئاماژە بۆ ئەوە دەکات کە ئەگەر پەرلەمان خۆى هەڵوەشاندەوە ئەوکات داوا لە سەرۆک کۆمار دەکرێت لەماوەیەکدا زۆرتر نەبێت لە 60 ڕۆژ ئەوا هەڵبژاردن ئەنجامبدرێت.

 

مەسعودى ئاماژەى بۆ ئەوەش کردووە، دەبێت کۆمسیۆن بەپێى یاسا نوێیەکە ئامادەکارى بۆ هەڵبژاردنەکە بکات لە ئامادەکردنى داتا و لیستى نوێ دەنگدەران و دووبارە دابەشکردنیان بەسەر بازنەکاندا، هەروەها کارکردن بە کارتى ئەلیکترۆنى درێژمەودا و لەزۆر بۆنەشدا ئامادەى خۆى بۆ ئەوە ئەنجامدانى هەڵبژاردنى پێشوەختە پیشانداوە.

 

لاى خۆشیەوە شێروان دووبردانى، سەرۆکى لیژنەى پارێزگا و هەرێمە ناڕێکخراوەکان لە پەرلەمان بە ڕۆژنامەکەى وتووە، گەورەترین گرفتى کۆمسیۆن یەکلایینەکردنەوەى فەرمانبەرانى گرێبەست و کۆمەڵێک کێشەى هونەرى تر بوون، بەتایبەت دواى گۆڕانکاریەکان لەئیستادا ستافە نوێیەکە زانیارى پێویستیان بۆ بەڕێوەبردنى هەڵبژاردنەکان نییە.