گه‌ڕان

Shadow Shadow
سیاسه‌تی

وردەکاریی

ئەگەرى ’’پێشخستنى’’ وادەى دەستپێکردنى خوێندن لە ئارادایە

2021.01.21 - 19:21
App store icon Play store icon Play store icon
ئەگەرى ’’پێشخستنى’’ وادەى دەستپێکردنى خوێندن لە ئارادایە

ناس کورد-

 

جێگرى سەرۆکى لیژنەى پەروەردە لە پەرلەمانى کوردستان رایگەیاند، وەزارەتى پەروەردە پێی وتوون ئەگەر دۆخەکە بەم شێوەیەى ئێستا بمێنێتەوە، ئەگەر هەیە کردنەوەى قوتابخانەکان پێشبخرێت، بەڵام هیچ ئەگەرێک نییە بۆ بڕیاردان لەبارەى بەسەرکەوتوو دانانى سەرجەم خوێندکارن لەمساڵدا.

کەناڵی ناس کورد لە تێلیگرام جۆین بکە   

 

بەپێی بڕیارى لیژنەى باڵاى روبەڕووبونەوەى کۆرۆنا، دەستپێکردنى پڕۆسەى خوێندن تا مانگى ئازار دواخراوە، جگە لە قۆناغى 12 کە ئەم مانگە دەستیپێکردەوە، بەڵام لیژنەکە مانگى داهاتوو کۆدەبێتەوە بۆ هەڵسەنگاندنى رەوشى تەندروستى.

 

موسلیم عەبدوڵا جێگرى سەرۆکى لیژنەى پەروەردە لە پەرلەمانى کوردستان بە "ناس کورد" ى راگەیاند، ئەمڕۆ لەگەڵ وەزارەتى پەروەردە کۆبوونەتەوە و تاوتوێی چەند پرسێکیان کردووە، بەتایبەت دەستپێکردنەوەى پڕۆسەى خوێندن.

 

وتیشى بەرپرسانى وەزارەتى پەروەردە پێیان راگەیاندوون کە ئەگەر دۆخى کۆرۆنا وەکو ئێستا بمێنێتەوە، ئەگەر هەیە کردنەوەى دەوامى ناوەندەکانى خوێندن بۆ 5-10 ى مانگى داهاتوو پێشبخرێت.

 

لەبارەى کەمکردنەوەى پڕۆگرامى خوێندنەوە، موسلیم عەبدوڵا باسى لەوەکرد، وەزارەتى پەروەردە هیچ پلانێکى نییە لەو بارەیەوە، هەروەها ئەستەمە سەرجەم خوێندکارانى ئەمساڵ بەسەرکەوتوو دابنرێن.

 

دەشڵێت، بەرپرسانى وەزارەت جەختیانکردووەتەوە کە ئەمساڵ سەرجەم پڕۆگرامەکان تەواو دەکرێن لەرێگەى درێژکردنەوەى خوێندنەوە بۆ ناوەڕاستى مانگى تەموز.