گه‌ڕان

Shadow Shadow
سیاسه‌تی

سیاسەتی بایدن بەرامبەر ئێران

كۆشكی سپی سیاسەتی بایدنی بەرامبەر ئێران ئاشكراكرد

2021.01.21 - 17:16
App store icon Play store icon Play store icon
كۆشكی سپی سیاسەتی بایدنی بەرامبەر ئێران ئاشكراكرد

ناس کورد-

ئیدارەی نوێی ئەمەریکا بە سەرۆکایەتی جۆ بایدن، یەکەمین هەڕەشەی بۆ ئێران نارد و وتەبێژی کۆشکی سپی ڕایگەیاند، ئەمەریکا كۆتوبه‌نده‌كانی سه‌ر پرۆگرامی ئەتۆمی كۆماری ئیسلامی ئێران توندتر ده‌كات.

کەناڵی ناس کورد لە تێلیگرام جۆین بکە   

 

جەن ساکی، وتەبێژی کۆشکی سپیی ئەمەریکا لە کۆنفرانسێکی ڕۆژنامەوانیدا (پێنجشەممە 21ی کانوونی دووەمی 2021) ڕایگەیاند، " جۆ بایدن، سه‌رۆكی نوێی ئەمەریکا هه‌ڵوێستی ئه‌وه‌یه‌، كه‌ كۆتوبه‌نده‌كانی سه‌ر پرۆگرامی ئەتۆمی ئێران توندتر بكات."

 

وتیشی، داوا لە ئێران دەکەن سه‌رجه‌م ئه‌و پابه‌ندییانه‌ جێبه‌جێ بكات كه‌ له‌ رێككه‌وتنی ئەتۆمی بۆی دیاریکراوە.

 

ئەوەش لەکاتێکدایە، لە سەردەمی ئیدارەی دۆناڵد ترەمپ، لەساڵی 2018، ئەمەریکا لە ڕێککەوتنی ئەتۆمی کشایەوە کە لەساڵی 2015 و لە سەردەمی ئیدارەی باراک ئۆباما واژۆ کرابوو.

 

پێش دەستبەکاربوونی وەک سەرۆکی ئەمەریکا، بایدن خواستی خۆی بۆ ئەوە ڕاگەیاندبوو کە ئەمەریکا بگەڕێنێتەوە بۆ ئەو ڕێککەوتنە.

 

وتەبێژە نوێیەکەی کۆشکی سپی کە یەکەمین کۆنفرانسی بوو ئەنجامیدا، ئاماژەی بەوەشکرد، بایدن ھەر لەگەڵ ھاتنە سەر دەسەڵاتی وەک سەرۆکی نوێی ئەمریکا ژمارەیەک بڕیارى بۆ ھەڵوەشاندنەوەی سیاسەتەکانی دۆناڵد ترەمپ واژوو کردووە.  

  

وتیشى گرنگترین ئەو بڕیارانە، ھەڵوەشاندنەوەی بڕیاری رێگریکردن لە گەشتى ھاوڵاتییانی چەند وڵاتێکی ئیسلامی بۆ ئەمریکا، بڕیاری گەڕانەوە بۆ ناو رێکخراوی تەندروستی جیھانی بووە.  

  

وتەبێژەکەی کۆشکی سپی باسى لەوەشکرد، لە قۆناغی ئایندەدا ئەمریکا رۆڵێکی گرنگی لە سیاسەتی دەرەوەدا دەبێت دەگەڕێتەوە بۆ مەیدانە نێودەوڵەتییەکان.  

  

لە بارەی بەدواداچوونەکانی سەرۆکی نوێی ئەمریکا بۆ ئامارەکانی تایبەت بە کۆرۆنا، ساکى وتى، "بایدن ھەموو بەیانییەک دوای لەخەو ھەستان و، ھەموو شەوێک پێش خەوتن چاودێری نوێترین ئامارەکانی کۆرۆنا دەکات".  

  

چوار ساڵ لەمەوبەر دۆناڵد ترەمپ کاتێک وەک سەرۆکى ئەمریکا دەستبەکاربوو، یەکەم دیدارى لەگەڵ بەرپرسانى باڵاى سعودیە بوو، کە تێیدا چەند رێککەوتنێک واژۆکرا.