گه‌ڕان

Shadow Shadow
سیاسه‌تی

وردەکاریى

پۆلیسی هەڵەبجە دەستگیرکردنی سێ تۆمەتباری ڕاگەیاند

2021.01.21 - 11:13
App store icon Play store icon Play store icon
پۆلیسی هەڵەبجە دەستگیرکردنی سێ تۆمەتباری ڕاگەیاند

ناس کورد-

پۆلیسی هەڵەبجە دەستگیرکردنی سێ تۆمەتباری ڕاگەیاند کە دووان لە تۆمەتبارەکان هەستاون بەدزیکردن و تۆمەتبارێکی دیکەش هەستاوە بەبڵاوکردنەوەی پارەی ساختە.

 

کەناڵی ناس کورد لە تێلیگرام جۆین بکە   

بەڕێوەبەرایەتی پۆلیسی هەڵەبجە (21ی کانونی دووەمی 2021) لە ڕاگەیەندراوێکدا کە "ناس کورد" بەدواداچوونی بۆ کردووە ئاماژەى بەوە کردووە، بەتۆمەتی دزیکردن لە ماڵان مەفرەزەیەکى بنکەى پۆلیسى هەڵەبجە شەوى 16/17-1-2021 تۆمەتبارێکیان بەناوی (هـ. ن. ق.) تەمەن 23 ساڵ دانیشتوی ئێران کە بەشێوەی قاچاغ هاتووەتە هەرێمی کوردستان دەستگیرکردووە کە هەستاوە بە دزی کردن لە ماڵان، لەلایەکی دیکەوە بە تۆمەتى دزینى ئاژەڵى هاوڵاتیان تۆمەتبارێک بە ناوى (ب. ح. أ) تەمەن 28 ساڵ دانیشتوى پارێزگاى هەڵەبجە دەستگیر کراوە کە هەستاوە بە دزینى 19 سەر مەڕى هاوڵاتیەک و بە یارمەتى دوو تۆمەتبارى دیکە، لە ئێستادا تۆمەتبارەکە دەستگیرکراوەو ئاژەڵەکانیش گەڕێنراونەتەوە بۆ خاوەنەکەى.

 

بەگوێرەى راگەیەندراوەکە، "بە تۆمەتی بڵاوکردنەوەى پارەى ساختە تۆمەتبارێک دەستگیر کراوە لەلایەن یاریدەدەرێتى ئاسایشى خورماڵ و ڕادەستى بنکەى پۆلیسى هەڵەبجە کرا کە پێشتر لە بنکەى پۆلیسى هەڵەبجە دۆسیەى بۆ کراوەتەوە تۆمەتبارەکە ناوى ( ز. أ. ج)  تەمەن 23 ساڵ، پیشە کاسب، دانیشتوى ناحیەى خورماڵەو لە ئێستادا دۆسیەى لێکۆڵینەوەکەى لەبەردەم دادوەرى لێکۆڵینەوەى هەڵەبجەیە".