گه‌ڕان

Shadow Shadow
سیاسه‌تی

لەبارەی كوشتنی باوكی

كچەكەی قاسم سلێمانی پەیامێكی ئاراستەی ترەمپ كرد

2021.01.20 - 23:51
App store icon Play store icon Play store icon
كچەكەی قاسم سلێمانی پەیامێكی ئاراستەی ترەمپ كرد

ناس كورد_

زەینەب قاسم سلێمانی پەیامێكی ئاراستەی سەرۆكی پێشووی ئەمەریكا دۆناڵد ترەمپ كرد لەبارەی كوشتنی باوكی بەفەرمانی ئەو لەسەرەتای ساڵی ڕابردوو.

کەناڵی ناس کورد لە تێلیگرام جۆین بکە   

 

زەینەب قاسم سلێمانی، لە هەژماری خۆی لە تۆڕی تویتەر (20 كانونی دووەمی 2021) كە "ناس كورد" بەدواداچوونی بۆ كردووە، لە پەیامێكدا بۆ دۆناڵد ترەمپ نووسیویەتی:

تۆ باوكمت كوشت لەكاتێكدا ئەو سەرۆكایەتی شەڕی سەركەوتنی كردبوو دژی داعش و ئەلقاعیدە، بۆیە ئەوەشت كرد بەجۆرێك لەجۆرەكان ببیتە پاڵەوان، بەڵام لەبری ئەوە ڕووخاو و كەنارگیر و تێكشكاو بویت و نەبوویتە پاڵەوان، بەڵكو بویتە كەسێك دەترسیت. 

ترەمپ لەوتاری ماڵئاواییدا لە سەرۆكایەتی و لەمیانەی باسكردنی دەسكەوتەكانی سەرۆكایەتییەكەی جارێكیتر باسی كوشتنی فەرماندەی فەیلەقی قودسی سوپای پاسدارانی كردەوە.

 

پێشتر زەینەب قاسم سلێمانی، لەدیدارێکی ڕۆژنامەوانیدا لەگەڵ ئاژانسی هەواڵی "ڕوسیا توودەی"  ( 16ی کانوونی یەکەمی 2020)، باسی لەوەكردبوو پێش چەند کاتژمێرێک لە کوشتنی باوکی بە تەلەفون قسەی لەگەڵدا کردووە و دواتریش چووە بۆ ماڵی خوشکەکەی.  

  

زەینەب باسی لەوەش کردووە، لە تیلیگرام بەچاوی خۆی ئەو ڤیدیۆیەی بینیوە کە تێیدا فڕۆکەکانی ئەمەریکا ژمارەیەک ئۆتۆمبێلیان لەنزیک فرۆکەخانەی نێودەوڵەتی بەغدا بۆردومانکردووە،  بۆیە دوای بینینی ڤیدیۆکە هەستی بە شتێکی خراپ کردووە، خەریکبووە دڵی لە سینەیدا بێتە دەرەوە.  

  

لەبەشێکی دیکەی وتەکانیدا، زەینەب دەڵێت "لەدوای کاتێکی کەم لە ڕووداوەکە یەکێک لە هاوڕێیەکانمان پەیوەندی پێوەکردم و هەواڵی باوکمی پرسی ئاخۆ سەلامەتە یان نا؟، بەوپێیەی ئەو لە هەواڵەکاندا ئەوەی بیستووە کە یەکێک لەو ئۆتۆمبێلانەی کە بۆردوومانکراون، قاسم سلێمانی تێدابوو، منیش پێم وت، باوکم لە ماڵەوەیە و لە ژورەکەی خۆیدا خەوتووە".  

  

زەینەب دەشڵێت، تاوەکو کاتژمێر5:00 ی بەیانی دووەم ڕۆژ ئەو بەهیچ شێوەیەک باوەڕی بەو هەواڵانە نەکردووە کە دەڵێن باوکی کوژراوە".  

  

دادگاى لێکۆڵینەوەى ڕەسافە  (7ى کانوونى دووەمى 2021) بەتۆمەتى تێوەگلان لەکوشتنى ئەبو مەهدى موهەندیس جێگرى سەرۆکى دەستەى حەشدى شەعبى فەرمانى دەستگیرکردنى بۆ دۆناڵد ترەمپ سەرۆکى ئێستاى ئەمەریکا دەرکرد.  

  

ئاماژە بۆ ئەوەش کراوە، دواى ڕاسپاردنى ئەو دادگایە و وەرگرتنى وتە لەکەسوکارى قوربانیانى ڕوداوەکە و تەواوبوونى ڕێکارەکانى لێکۆڵینەوەى سەرەتایى بەپێى مادەى 406ى یاسای سزادانى عێراقى فەرمانى دەستگیرکردن بۆ ترەمپ دەرکراوە.  

  

ئەوەش خراوەتە ڕوو، ڕێکارەکانى لێکۆڵینەوە لەڕوداوەکەش بەردەوام دەبێت بۆ دۆزینەوەى ئەوانى تریش کە بەشداریان لەو تاوانەدا کردووە جا ئەگەر هاوڵاتى عێراقی بێت یاخود بیانی.  

  

بەرەبەیانى ڕێکەوتى 3ى کانوونى دووەمى ساڵى 2019 لەلایەن فڕۆکەکانى ئەمەریکاوە هێرشکرایە سەر کاروانى ئۆتۆمبێلەکانى هەریەکە لەقاسم سولەیمانى و ئەبو مەهدى موهەندیس لەنزیک فڕۆکەخانەى نێودەوڵەتى بەغدا و کوژران.